တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ်ရှိ သံဃာတော်များက ဇူလိုင် ၄ ရက် နေ့လယ်ပိုင်းမှာ ပတ္တနိက္ကုဇ္ဇန ကံဆောင် သပိတ်မှောက်ကာ စစ်ကောင်စီကို ဆန္ဒပြခဲ့တယ်လို့ သိရပါတယ်။
သရက်ချောင်းမြို့နယ် အတွင်းရှိ အမှတ်၈ ပြည်ထောင်စု လမ်းမကြီးပေါ်ချီတက် လမ်းလျှောက်ခဲ့တယ်လို့ဆိုပါတယ်။
အခုလို ဆန္ဒပြရခြင်း မှာ ပဲခူးမြို့ ဝင်းနိမ္မိတာရုံ ကျောင်းတိုက်ဆရာတော်ကို စစ်ကောင်စီက ပစ်သတ်ခဲ့မှုအား ဆန့်ကျင်တဲ့ အနေဖြင့် ပြုလုပ်ခြင်း ဖြစ်တယ်လို့ သိရပါတယ်။
ပဲခူးမြို့ ဝင်းနိမ္မိတာရုံကျောင်းတိုက်ဆရာတော် ပျံလွန်တော် မူရ ခြင်း နဲ့ ပက်သက်ပြီး ဇွန် ၂၃ ရက်တွင် စစ်ကိုင်းတိုင်း ချောင်းဦးမြို့နယ်မှ စတင် ပတ္တနိက္ကုဇ္ဇန ကံဆောင်သပိတ်ပြုလုပ်ခဲ့ရာမှာ ယခုအခါ ကံဆောင်သပိတ်မှောက်မှု ၂၁ မြို့နယ်အထိ ရှိလာပြီဖြစ်တယ်လို့ သိရပါတယ်။