ထိုင်းနိုင်ငံ ပရာဂျင်ဘူရီ ခရိုင်ရှိ စတီးသတ္တု ရည်ကျိုတဲ့ စက်ရုံ တစ်ခု မှာ သတ္တုရည်ကျိုတဲ့ မီးဖို ပေါက်ကွဲ မှုကြောင့် စက်ရုံ မှ မြန်မာလုပ်သားတစ်ဦးသေဆုံးပြီးတစ်ဦး ထိခိုက်ဒဏ်ရာအပြင်းအထန်ရရှိခဲ့တယ်လို့ ထိုင်းသတင်းတွေရဲ့ ဖေါ်ပြချက်အရသိရပါတယ်။
ဩဂုတ် ၁၂ ရက် မနက် ၃ နာရီခန့် က စက်ရုံရဲ့ ဒုတိယ ထပ်ရှိ မီးဖိုပေါက်ကွဲမှု ဖြစ်ပွားခဲ့ ပြီး အရည်ကျိုထားတဲ့ သတ္တုရည်တွေ ပန်းထွက်ခဲ့တယ်လို့ ဆိုပါတယ်။
အခုလို သတ္တုရည် တွေ ပန်းထွက်တာကြောင့် မီးဖို အနီးရှိ မြန်မာလုပ်သား များအပေါ်ကို ကျရောက်ခဲ့ကာ လောင်ကျွမ်းသွားတဲ့ အတွက် မြန်မာလုပ်သားတစ်ဦးသေဆုံးခဲ့ ပြီး တစ်ဦးမှာ လက်များ လောင်ကျွမ်းပြီး ဒဏ်ရာ ပြင်းထန်တယ်လို့ သတင်းမှာဖေါ်ပြထားပါ တယ်။
တာဝန်ရှိသူတွေအနေနဲ့ ဒဏ်ရာရရှိတဲ့ မြန်မာအလုပ်သမား ကို ကဆေးမ်ရတ် ၃၀၄ ဆေးရုံကို ပို့ဆောင်ခဲ့ပြီး၊ သေဆုံးသွားတဲ့ မြန်မာအလုပ်သမားရဲ့ ရုပ်အလောင်းကိုတော့ သီမဟာဖိုဆေးရုံကို ပို့ဆောင်ခဲ့တယ်လို့ဆိုပါတယ်။
လက်ရှိမှာတော့ ဒီပေါက်ကွဲမှုဖြစ်ရတဲ့ အကြောင်းရင်းကိုတော့ စက်မှုလက်မှုဝန်ကြီးဌာနနဲ့ သက်ဆိုင်ရာအဖွဲ့အစည်းတွေက စုံစမ်းစစ်ဆေးနေဆဲဖြစ်တယ်လို့သတင်းမှာဖေါ်ပြထားပါတယ်။
Ref- Thairath News
