NEWS

လေဆင်နှာမောင်း တိုက်ခတ်မှုကြောင့် ရန်ကုန်မြစ်အတွင်း သမ္ဗာန်တစ်စီးတိမ်းမှောက်၊ ၃ ဦးပျောက်ဆုံးနေ

CoverLogo
450 Views
 
ရန်ကုန်တိုင်းဒေသကြီး ဗိုလ်တထောင်မြို့နယ် အတွင်း လေဆင်နှာမောင်း တိုက်ခတ်မှုကြောင့် ရန်ကုန်မြစ်တွင်း ဗိုလ်တထောင်ဆိပ်ကမ်းနဲ့ ဒလမြို့ သမ္မတကမ်းခြေရွာဘက်ကို ပြေးဆွဲနေတဲ့ သမ္ဗာန်တစ်စီး တိမ်းမှောက် မှုဖြစ်ပွားခဲ့ကာ လူ ၃ ဦးပျောက်ဆုံးနေတယ်လို့ဒေသခံတွေထံမှသိရပါတယ်။
 
ဇူလိုင် ၂၄ရက် မနက် ၇နာရီခွဲလောက်မှာ ဒလမြို့ သမ္မတကမ်းခြေ သမ္ဗာန်ဆိပ်ကနေ ဗိုလ်တထောင်ဆိပ်ကမ်းကို မောင်းနှင်လာတဲ့ သမ္ဗာန် တစ်စီးဟာ မြစ်အလယ်ရောက်ရှိချိန် လေဆင်နှာမောင်းတိုက်ခတ်မှုကြောင့် တိမ်းမှောက်သွားခဲ့တယ်လို့ သိရပါတယ်။
 
"သမ္ဗာန်ပေါ်မှာ ခရီးသည်က ၁၀ ယောက် လောက်ပါတယ် အခုပျောက်နေတာက သမ္ဗာန်မောင်းသူနဲ့ခရီးသည်နှစ်ယောက် ပျောက်နေတာလို့ သိရတယ် အခုထိတော့ ပြန်တွေ့တယ်မကြားရသေးဘူးလေဆင်နှာမောင်းကအတော်လေးကြမ်းတယ် အချိန်ခဏလေးအတွင်းကိုဖြစ်သွားတာ မြစ်ထဲကရပ်ထားတဲ့ သင်္ဘောအချို့လည်း ကြိုးပြတ်ပြီးတိုက်မိတာတွေရှိတယ် ကမ်းနားက ကွန်တိန်နာပုံး တွေ လည်းပြုတ်ကျ ကုန်ကားတွေလည်း ထိခိုက်ပျက်စီးတာတွေရှိတယ် စားသောက်ဆိုင်အမိုးတွေလန်ကုန်တာတွေ နဲ့ ပျက်စီးဆုံးရှုံးတာတွေများမယ်""လို့ဗိုလ်တထောင်မြို့နယ်မှာ နေထိုင်သူတစ်ဦးကပြောပါတယ်။
 
လေဆင်နှာမောင်း တိုက်ခတ်မှုကြောင့် ဗိုလ်တစ်ထောင်မြို့နယ်၊ အမှတ် (၁) ရပ်ကွက်၊ သန်လျက်စွန်းလမ်းရှိ ရေနံလိုင်း၊ မြနန္ဒာရိပ်သာအိမ်ရာနှင့် မီးပြဝန်းများတွင်း သစ်ပင်များပြိုလဲခြင်း၊ ခေါင်မိုးများလွင့်စင်ခြင်း၊နေအိမ်အချို့ ပျက်စီးထိခိုက်ခဲ့ပြီး လူထိခိုက်မှုမရှိကြောင်း သိရပါတယ်။
 
ဒါ့အပြင် ကမ်းနားကွန်ကရစ်လမ်းရှိ ကုန်သေတ္တာဝင်း (ICD-2)အတွင်းရှိ ကုန်သေတ္တာ (အခွန်လွတ်)များ ပြုတ်ကျ ခြင်း၊ ဗိုလ်တစ်ထောင်ကမ်းနား ရှိ The Love Boat စားသောက်ဆိုင်သင်္ဘော မှာ ကြိုးပြတ်၍ မျောပါကာ Vintage Luxury Hotel သင်္ဘောအား တိုက်မိခဲ့တယ်လို့ သိရပါတယ်။

Related posts

Cover
နိုဝင်ဘာ တတိယ ၁၀ ရက် ပတ်အတွင်း လာနီညာ ဖြစ်ပေါ် နိုင်ဟု မိုးဇလအသိပေး
Nov 21, 2025
Cover
ဂျပန်၊ ကိုရီးယားနှင့် တရုတ်နိုင်ငံ မကာအိုဒေသမှ လာရောက်သည့် ကမ္ဘာလှည့်ခရီးသည်များအတွက် ကမ္ဘာလှည့်ဆိုက်ရောက်ဗီဇာ ၁ နှစ် ထပ်မံ သက်တမ်းတိုးခွင့်ပြု
Nov 21, 2025
Cover
၂ နှစ်ကျော်အတွင်း ပြည်တွင်းသို့ တရားမဝင် ဝင်ရောက်သည့် နိုင်ငံခြားသား ၇၀၀၀၀ ခန့် ရှိဟုဆို
Nov 15, 2025
Cover
ပဲခူးမြို့အတွင်း ခရီးသည်တင်ယာဉ်လိုင်းများ ဖြတ်သန်းခွင့်မပေးတော့သဖြင့် ခရီးသွားများ အခက်တွေ့
Nov 15, 2025
Cover
တိုင်ဖွန်းမုန်တိုင်း “ခန့်မေဂီ” အရှိန်ကြောင့် နိုဝင်ဘာ ၈ ရက်မှ ၁၀ ရက်အတွင်း မိုးထစ်ချုန်းရွာမည်ဟုဆို
Nov 06, 2025
Cover
ရန်ကုန်မှာ တိုက်ခန်းဝယ်ယူခွင့် စာရွက်စာတမ်းအတုနဲ့ လိမ်လည်မှုတွေရှိလာ
Nov 04, 2025
Cover
တိုင်းဒေသကြီးနှင့်ပြည်နယ်များတွင် နိုဝင်ဘာ ၄ ရက်မှ ၆ ရက်အထိ မိုးကြီးမည်
Nov 04, 2025
Cover
ရန်ကုန်လေဆိပ်ကို ညပိုင်းအချိန် ၂လကြာပိတ်မယ်လို့ကြေညာ
Oct 30, 2025