ထိုင်းနိုင်ငံ မှာရောက်ရှိနေတဲ့ အထောက်အထားမရှိတဲ့ နိုင်ငံခြားသား အလုပ်သမားတွေ ကို တရားဝင် ဖြစ်အောင် မှတ်ပုံတင်ပေးမယ့် အစီစဉ်ကို ယာယီရက်ရွှေ့ဆိုင်းလိုက်တယ်လို့ အောက်တိုဘာ ၁၆ ရက် ဒီကနေ့မှာထိုင်း အလုပ်အကိုင်ရှာဖွေရေးဦးစီးဌာန (DOE) က ကြေညာလိုက်ပါတယ်။
လူသစ် ပန်းရောင်ကတ် (ဘတ်) လုပ်မယ့် အစီစဉ်ကို အောက်တိုဘာ ၁၅ ရက်ကနေ ၂၉ ရက်အထိ စာရင်းတင်ဖို့ ခွင့်ပြုပေးထားပြီးအောက်တိုဘာ ၁၅ရက် မှာစာရင်းတင်ရန်ခွင့်ပြုထားတဲ့ website မှာ စာရင်း တင်မရ ဖြစ်နေပြီးနောက် အောက်တိုဘာ ၁၆ရက်မှာတော့ ယာယီရက်ရွှေ့ဆိုင်း ကြောင်းထိုင်းအလုပ်သမားဝန်ကြီးဌာနကြေညာခြင်း ဖြစ်ပါတယ်။
ထိုင်းအလုပ်အကိုင်ရှာဖွေရေးဦးစီးဌာ DOE ရဲ့ ထုတ်ပြန်ချက်မှာတော့ ထိလွယ်ခိုက်လွယ်တဲ့ နယ်စပ်ပြသာနာကြောင့် အခုလို ရက်ရွှေ့ဆိုင်းတာဖြစ်ပြီး
အစီအစဉ်ပြန်လည်စတင်မယ့်ရက်ကို နောက်ပိုင်းမှာ ထပ်ပြီး ကြေညာပေးသွားမှာ ဖြစ်တယ်လို့ ထုတ်ပြန်ထားပါတယ်။
အခုလို လူသစ် ဘတ်ရိုက်ပေးမဲ့ အစီစဉ် ရွှေ့ဆိုင်း လိုက်တဲ့ အတွက် ထိုင်းရောက် အထောက်အထားမရှိတဲ့ မြန်မာအလုပ်သမားတွေကြား စိုးရိမ်မှုတွေ ဖြစ်ပေါ်နေပါတယ်။
ထိုင်းရောက် မြန်မာအလုပ်သမားအရေးကူညီသူတွေကလည်း လက်တလောအခြေနေအရ ဘတ်ပြုလုပ်ပေးရန် ပွဲစားများထံ ငွေကြေးကြိုတင်ပေးထားတာမျိုးမပြုလုပ်ဖို့နဲ့ ကြိုတင်ပေးထားပါက ပြန်လည်တောင်းယူထားဖို့ သတိပေးထားပါတယ်။
ပန်းရောင်ကတ်(ဘတ်)ပြုလုပ်တာမှာ ၃၇၈၀ ဘတ် ကုန်ကျမယ်လို့ ထိုင်းအစိုးရက ကြေညာထားပေမယ့် ပြင်ပ အခြေနေမှာတော့ ဘတ် ၆၀၀၀ မှ ၁၅၀၀၀ ဘတ် အထိ ဈေးရှိတယ်လို့ သိရပါတယ်။
