မြန်မာအပါအဝင် လာအို၊ ကမ္ဘောဒီးယား၊ ဗီယက်နမ်နိုင်ငံ တွေကနေ ထိုင်းနိုင်ငံကို အခြေခံအလုပ်သမားအဖြစ် လာရောက်လုပ်ကိုင်နေသူတွေကို စာရင်းသွင်းခြင်း လုပ်ငန်းစဉ်အနေနဲ့ ထုတ်ပေးတဲ့ ဘတ် ၊ ပန်းရောင်ကတ်ကို အောက်တိုဘာ ၁၅ ရက်မှာ စတင်မှာဖြစ်ပြီး အလုပ်သမားတွေအနေနဲ့ ဘတ်လုပ်ငန်းစဉ် ပြီးဆုံးတဲ့အထိ စောင့်စရာမလိုဘဲ ကုန်ကျစရိတ်ငွေပေးချေပြီးပါက အဆိုပါဖြတ်ပိုင်းနဲ့ ယာယီအလုပ်လုပ်ခွင့်ပေးမယ်လို့ ထိုင်းအလုပ်သမားဝန်ကြီးကအောက်တိုဘာ ၁၀ ရက်မှာ ပြောကြားခဲ့ပါတယ်။
အလုပ်သမားတွေအနေနဲ့ ငွေချေဖြတ်ပိုင်းနဲ့ ယာယီအလုပ်လုပ်နိုင်မှာဖြစ်ပြီး လက်ဗွေနှိပ်ခြင်း၊ ကျန်းမာရေးစစ်ဆေးခြင်း၊ ဗီဇာလျှောက်ခြင်းအစရှိတဲ့ လုပ်ငန်းစဥ်တွေကိုတော့ ဇန်နဝါရီ၂၇ ရက်မတိုင်မီ အပြီးသတ်ဆောင်ရွက်ရမှာ ဖြစ်တယ်လို့ သိရပါတယ်။
အလုပ်သမားတွေ ကျန်းမာရေးစစ်ဆေးရာမှာ အမှန်တကယ် ဆေးစစ်မှုမပြုလုပ်ဘဲ ဆေးလက်မှတ်အတုပြုလုပ်ခြင်း ကျန်းမာရေးအချက်အလက်လိမ်လည်ခြင်းများကို လုပ်ခွင့်မရှိဘဲ ချိုးဖောက်သူများကိုထောင်ဒဏ်နှစ်နှစ်အထိအပြစ်ပေးနိုင်သောပြစ်ဒဏ်များချမှတ်သွားမှာဖြစ်တယ်လို့လည်း ထိုင်းနိုင်ငံပြည်သူ့ကျန်းမာရေးဝန်ကြီးဌာနက ကြေညာထားပါတယ်။
ထိုင်းအစိုးရရဲ့ ထုတ်ပြန်ချက် ဘတ် ခေါ် ပန်းရောက်ကတ်လုပ်ရာမှာ ကျန်းမာရေးအာမခံဝယ်ယူမှုအပေါ်မူတည်ပြီး ဘတ်၂၉၀၀ မှ ၃၈၀၀ ကြားကျသင့်မယ်လို့ ကြေညာထားပြီး လက်ရှိမှာ ပြင်ပပေါက်စျေး သုံးဆခန့်ပိုပေးနေရတယ်လို့ သိရပါတယ်။
