ထိုင်းနိုင်ငံ နန်းကော့ပထုန်မြို့ရှိ ဆောက်လုပ်ရေးလုပ်ငန်းတခုမှာ လုပ်ကိုင်နေတဲ့ မြန်မာအလုပ်သမား တွေ ကို သူဌေးမှ လုပ်ခလေးလစာ မပေးတဲ့ အပြင် အထောက်အထားတွေပါ သိမ်းထားတဲ့ အတွက် စားဝတ်နေရေးအခက်အခဲတွေ ကြုံတွေ့နေရတယ်လို့ WAG - အလုပ်သမားမဟာမိတ်အဖွဲ့ ထံ မှ သိရပါတယ်။

အဆိုပါ ဆောက်လုပ်ရေး လုပ်ငန်းခွင်မှ PJနိုင်ငံကူးလက်မှတ်ရှိသူ နဲ့  CI စာအုပ် ကိုင်ဆောင်ထားသူ ကျား/မ (၁၀)ဦးတို့ ကို  လုပ်အားခ (၄)လစာ မရှင်းပေးတဲ့ အပြင် အထောက်ထားစာရွက်စာတမ်းတွေကို သိမ်းထားတဲ့ အတွက်  စားဝတ်နေရေးအခက်အခဲများကြုံတွေ့နေရလို့ ကူညီဖြေရှင်းပေးရန်  WAG - အလုပ်သမားမဟာမိတ်အဖွဲ့ထံကူညီတောင်းခံလာတယ်လို့ သိရပါတယ်။

အခုလို အကူညီတောင်းခံတဲ့ အတွက် ဩဂုတ် ၇ ရက်က ဆောက်လုပ်ရေးရှိ အလုပ်သမားများ၊ လုပ်ငန်းခွင်အတွင်း တာဝန်ရှိ သူဌေး နဲ့ WAG အဖွဲ့သားများ ဆွေးနွေးညှိနှိုင်းခဲ့ရာ မှာ သူဌေးမှလုပ်သမား တွေရရှိမယ့်  လုပ်အားခ  ၄ လစာနဲ့  အအထောက် အထားစာရွက်စာတမ်းတွေ ကို  ယခုလ အတောအတွင်း ပြန်လည်ပေးအပ်မယ်လို့  အလုပ်သမားတွေ ရှေ့မှာ  ‌သူဌေးမှဖြေကြားခဲ့တယ်လို့ဆိုပါတယ်။