ထိုင်းနိုင်ငံ ၊ ရနောင်းခရိုင် ချွန်ဖော်မြို့၊ လန်းစွန်း မှာရှိတဲ့ ဆောက်လုပ်ရေး လုပ်ငန်းခွင်မှာ လုပ်ကိုင်နေတဲ့ မြန်မာအလုပ်သမားတွေရဲ့ လုပ်အားခ ဘတ်၁၅သိန်း ခန့်ကို ထိုင်းအလုပ်ရှင်က မပေးတဲ့ အတွက် အလုပ်သမားတွေစုပေါင်းကာ ထိုင်းမြို့နယ် အလုပ်သမားရုံးမှာတိုင်ကြားထားတယ်လို့ မဟာမိတ်အဖွဲ့ (WAG)ထံမှ သိရပါတယ်။
အလုပ်သမားတွေဟာ CJA Construction Co, ltd (ဆောက်လုပ်ရေးလုပ်ငန်း) မှာ အလုပ်လုပ်နေတဲ့ လက်ဗွေနှိပ်ပြီးသား CI ကိုင်ဆောင်ထားသူအလုပ်သမား အမျိုးသား၊ အမျိုးသမီးစုစုပေါင်း၂၅ ဦးတို့ဖြစ်တယ်လို့ဆိုပါတယ်။
ထိုင်းသူဌေး က အလုပ်သမားတွေရဲ့လုပ်ခလစာလေးလစာကိုမရှင်းပေးတဲ့အတွက် စားဝတ်နေရေး အခက်ခဲ ကြုံတွေ့နေရတာကြောင့် WAG မဟာမိတ်အဖွဲ့ကို ညီတောင်းခံလာခြင်း ဖြစ်ကာ ဩဂုတ်လ ၈ ရက်နေ့က ထိုင်းသူဌေးကို မြို့နယ်စဝါဒီကန်ရုံးမှာ အမှုဖွင့်တိုင်ကြားခဲ့တယ်လို့ သိရပါတယ်။
ပြီးခဲ့တဲ့ ရက်ပိုင်းကလည်းထိုင်းနိုင်ငံ နန်းကော့ပထုန်မြို့ရှိ ဆောက်လုပ်ရေးလုပ်ငန်းတခုမှာ လုပ်ကိုင်နေတဲ့ မြန်မာအလုပ်သမား ၁၀ ဦး ကို သူဌေးမှ လုပ်ခလေးလစာ မပေးတဲ့ အပြင် အထောက်အထားများ သိမ်းထားတဲ့ အတွက် WAG - အလုပ်သမားမဟာမိတ်အဖွဲ့ ကသွားရောက်ဖြေရှင်းပေးခဲ့ရသေးတယ်လို့ သိရပါတယ်။
