ထိုင်းနိုင်ငံ မဟာချိူင် ဘန်ထိုရပ် နယ်မြေရှိ စက်ရုံ တွင် လုပ်ငန်းခွင်မတော်တဆ ကြောင့်အသက်ဆုံးရှုံးခဲ့တဲ့ မြန်မာအလုပ်သမား တစ်ဦး အတွက် ကူညီ​ဆောက်ရွက် ​ပေးရာ ပကန်ဆံခွန် နစ်နာကြေး ဘတ် ၈ သိန်းခွဲကျော်  ကို ကျန်ရစ်သူမိသား စု က ရရှိခဲ့တယ်လို့ MHAC မဟာမိတ်အဖွဲ့ မြန်မာလုပ်သားကူညီစောင့်ရှောက်ရေးကော်မတီ ထံက သိရပါတယ်။ 

စမူစက်ခွန် ခရိုင်ရှိ  အသားလုံး ထုတ် လုပ်တဲ့ စက်ရုံ တွင် အလုပ်လုပ်နေတဲ့ မြန်မာအလုပ်သမား ဦး-- မှာ လုပ်ငန်းခွင် အတွင်း  ဓါတ်လှေကား ပြုတ်ကျ ကာ မတော်တဆ ထိခိုက်မိရာ မှ အသက်ဆုံးရှုံး ခဲ့တာလို့ သိရပါတယ်။ 

ထိုသို့ သေဆုံးခဲ့တဲ့ အတွက် ကျန်ရစ်သူ မိသားစု က ပကန်ဆံခွန် နစ်နာကြေး ရရှိနိုင်ရန် အတွက် MHAC မဟာမိတ်ထံ အကူညီတောင်းခံခဲ့တယ်လို့ ဆိုပါတယ်။ 

ဒါကြောင့် MHAC မဟာမိတ်အဖွဲ့မြန်မာလုပ်သားကူညီစောင့်ရှောက်ရေးကော်မတီ  က ကူညီဆောင်ရွက် ပေးခဲ့ရာ မှာ  နစ်နာကြေးရပိုင်ခွင့်ကို ဇနီးမယားအမည်ဖြင့် လျှောက်ထားပေးခဲ့ ပြီး  မဟာချိုင် ပကန်ဆံခွန်ရုံးမှာ နိုဝင်ဘာ ၇ ရက်က နစ်နာကြေး ငွေ ဘတ် ၈၆၇၄၀၀ ဘတ်ကို ဘဏ်ချက်လက်မှတ်ဖြင့် ကျန်ရစ်သူမိသားစုကို ပေးခဲ့တယ်လို့သိရပါတယ်။