ထိုင်းနိုင်ငံ မဟာချိုင် ရှိ သံစက်ရုံ တစ်ရုံ မှာ အလုပ်လုပ်နေတဲ့ မြန်မာအလုပ်သမား အမျိုးသမီး တစ်ဦးလုပ်ငန်းခွင်မတော်တဆ မှု ကြောင့် ခေါင်းဦးရေပြား တစ်ခြမ်းကွာကျတဲ့အထိ ထိခိုက်ဒဏ်ရာ ရရှိခဲ့ပေမယ့်လုပ်ငန်းရှင်က နစ်နာကြေးမပေးတဲ့အပြင် အလုပ်ကပါ ထုတ်ပယ်လိုက်တယ်လို့ ထိုင်းနိုင်ငံအခြေစိုက် MHAC မဟာမိတ်အဖွဲ့မြန်မာအလုပ်သမား ကူညီစောင့်ရှောက်ရေးကော်မတီ ထံက သိရပါတယ်။ 

၎င်း မြန်မာအလုပ်သမား အမျိုးသမီးမှာ လုပ်ငန်းခွင်ထဲ အလုပ်လုပ်နေစဥ်အတွင်း စက်ထဲသို့ ဆံပင်များရစ်ပတ်ခါ ပါသွားတဲ့ အတွက် ခေါင်းဦးရေပြား တစ်ခြမ်းကွာကျပြီး ပေါင်တစ်ဘက်တွင်လည်း ထိခိုက်ဒဏ်ရာ ရရှိခဲ့တယ်လို့ဆိုပါတယ်။ 

ဆေးရုံတွင်ဆေးကုသမှုခံယူပြီး ပြန်ဆင်းခဲ့ပေမယ့် စက်ရုံမှ တာဝန်ယူမှုမရှိတဲ့ အပြင် ပကန်ဆံခွန်နစ်နာကြေး မပေးဘဲ အလုပ်ကပါ ကြိုတင်အကြောင်းမကြားပဲ ထုတ်ပစ်လိုက်တယ်လို့သိရပါတယ်။ 

အခုလို လုပ်ငန်းရှင်ဘက်က တာဝန်ယူမှု မရှိဘဲ အလုပ်သမား အခွင့်ရေး ချိုးဖောက်တဲ့ အတွက် အေအေစီကိုရဲမင်းဦးဆောင်သော MHAC မဟာမိတ်အဖွဲ့သို့ ဆက်သွယ်လာကာ မိမိနစ်နာမှုအတွက် အလုပ်သမာ​ ဥပဒေ အတိုင်း ကူညီဆောင်ရွက်ပေးပါဖို့ တောင်းဆို တိုင်ကြားထားတယ်လို့သိရပါတယ်။ 

MHAC အဖွဲ့ အနေနဲ့လည်း  နစ်နာသူ မြန်မာအလုပ်သမား အမျိုးသမီးထံ သွားရောက်အားပေးကာ အကူအညီတောင်းခံမှုကို လက်ခံခဲ့ပြီး ထိုင်းအလုပ်သမားဥပဒေအတိုင်း ကူညီဆောင်ရွက်ပေးသွားမယ်လို့သိရပါတယ်။