ထိုင်းနိုင်ငံ ချွန်ပူလီခရိုင် လယောင်မြို့ရှိကားတာယာစက်ရုံတွင် အလုပ်လုပ်ကိုင်နေသော pj ပတ်စပို့ကိုင်ဆိုင်ထားသော ကိုအောင်ကိုဝင်းသည်လုပ်ငန်းခွင်အတွင်းမတော်တဆဖြစ်ကာ ဘယ်ဘက်လက် လက်ကောက်ဝတ်အထိဖျက်ပစ်လိုက်ရသော်လည်းစက်ရုံဘက်မှနစ်နာကြေးပေးရန် တာဝန်ယူမှုတာဝန်ခံမရှိသောကြောင့်လိုက်ပါကူညီဆောင်ရွက်ပေးနေတယ်လို့ WAG အလုပ်သမားမဟာမိတ်အဖွဲ့မှသိရပါတယ်။
မြန်မာ(PJ)အလုပ်သမားကိုအောင်ကိုဝင်းသည်အဆိုပါစက်ရုံတွင်အလုပ်လုပ်သက် သုံးနှစ်ခန့်ကြာပြီဖြစ်ပြီး (၇ ၊ ၄ ၊ ၂၀၂၅)ရက်နေ့မနက် ၈ နာရီ အချိန်ခန့်တွင် အလုပ်လုပ်နေရင်း တာယာကြိတ်သည့်စက်နှင့် အင်္ကျီစငြိရာမှ ဘယ်ဘက်လက်စက်ထဲသို့ကြိတ်မိသွားခြင်းဖြစ်ကာ အဆိုပါအခင်းဖြစ်ပွားပြီးနောက် ချွန်ပူလိမြို့ရှိ ဝိဖာလမ်းဆေးရုံတွင် ဆေးကုသမှုခံယူနေရင်း မနက် ၈ ခွဲ အချိန်တွင် ၎င်း၏ဘယ်ဘက်လက် လက်ကောက်ဝတ်အထိ ဖျက်ပစ်လိုက်ရခြင်းဖြစ်ကြောင်းသိရပါတယ်။
ကိုအောင်ကိုဝင်း၏ဆေးရုံတွင်ငါးရက်တာ ဆေးကုသမှုကုန်ကျစရိတ်ကို ပကန်စခွန်ရှိသော်လဲ သုံးမရဘူးဆိုကာ သူဌေးကစိုက်ရှင်းပေးထားသည်ဟုဆိုပြီး ဆေးရုံဆင်းပြီး နောက် အလုပ်နားနေသည့်အချိန်တွင် စက်ရုံဘက်မှမည်သည့်ထာက်ပံ့ကြေးပေးခြင်းမှမရှ်ိတော့ကြောင်းသိရပါတယ်။
"ပကန်ရှိပေမဲ့သူဌေးကဆေးကုသမှုတွေကိုပန်ကန်နဲ့မကုပေးတာ။သဌေးအပေါ်မူတည်တာပေါ့သူဌေးဘက်ကလုပ်မပေးတဲ့အပိုင်းဖြစ်တာပေါ့။အခုလက်ရှိကတော့အမှုရင်ဆိုင်ဖို့သူ့ကိုကျွန်တော်တို့ရုံးခေါ်လာတာပါ။တာဝန်ယူမှုကတော့သူဌေးဘက်ကဘာမှမပြောဘူး။ပကန်ကိစ္စမှာဘဲစကားပြောထားတာ ပကန်ရုံးနဲ့ဘဲသွားရမှာပေါ့"လို့ WAG အလုပ်သမားမဟာမိတ်အဖွဲ့ခေါင်းဆောင်ကိုမုန်တိုင်းကပြောပါတယ်။
ကိုအောင်ကိုဝင်း၏ ဆုံးရှုံးနစ်နာမှုနှင့်ပတ်သက်ပြီး နစ်နာကြေးပေးရန် စက်ရုံဘက်မှတာဝန်ယူမှုမရှိသောကြောင့် ၎င်း၏ရသင့်ရထိုက်သည့်နစ်နာကြေးပြန်လည်ရရှိရန်အတွက်ကူညီဆောင်ရွက်ပေးပါရန်အကူအညီတောင်းခံလာသဖြင့် WAG အလုပ်သမားမဟာမိတ်အဖွဲ့မှအောက်တိုဘာ၃ရက်နေ့တွင်အ လုပ်သမားနှင့်သွားရောက်တွေ့ဆုံခဲ့ပြီးနယ်မြေခံပကန်စခွန်ရုံးသို့ သွားရောက် ကူညီဆောင်ရွက်ပေးနေကြောင်းသိရပါတယ်။
