ထိုင်းနိုင်ငံနခွန်ပထုံမြို့နယ်၊ ဘန်လင်တွင်ရှိသော (ကြက်မွေးမြူရေးလုပ်ကိုင်နေတဲ့ မြန်မာလုပ်သမား တစ်ဦး မှာ လုပ်ငန်းခွင် မတော်တဆ မှုကြောင့် လက်တစ်ဖက်လုံးအရင်းကနေ ဖြတ်ပစ်လိုက်ရပေမယ့် လုပ်ငန်းရှင်က ထိုက်သင့်တဲ့ နစ်နာကြေးမပေးဘဲ အလုပ်မှထုတ်ပယ် လိုက်တယ်လို့ မြန်မာအလုပ်သမား အရေးကူညီပေးနေတဲ့ WAG အလုပ်သမားမဟာမိတ်အဖွဲ့ ထံ က သိရပါတယ်။
CI စာအုပ်ကိုင်ဆောင်ထားတဲ့ မြန်မာအလုပ်သမား ကို-- မှာ ၂၀၂၄ ခုနှစ် ဇူလိုင်လ ၁၈ ရက်နေ့မှာ စက်ရုံတွင်းအ လုပ် လုပ် နေချိန် သယ်ယူရွေ့လျားစက်အတွင်း လက်တစ်ဖက်လုံးလိမ့်ဝင်သွားကာ လက်တစ်ဖက်လုံးအရိုးများကြေမွသွားခဲ့တယ်လို့ဆိုပါတယ်။
အခင်းဖြစ်ဖြစ်ချင်း မှာ နခွန်ပထုံဆေးရုံသို့ ပြောင်းရွှေ့ ဆေးကုသမှုခံခဲ့ပေမယ့် လက်ဒဏ်ရာ အလွန်ပြင်းထန်တဲ့ အတွက် လက်မောင်အရင်းကနေဖြတ်လိုက်ရတယ်လို့ သိရပါတယ်။
ဆေးရုံမှာ (၁)ပတ်ကြာထိဆေးကုသမှုခံယူပြီး ဆေးကုသစရိတ်များကို စက်ရုံမှကုန်ကျခံပေးခဲ့ပြီးဆေးရုံ ဆေးချိန်မှ တစ်လ အကြာ အထိ အလုပ်အနားပေးခဲ့တယ်လို့ ဆိုပါတယ်။
နားရက် တစ်လပြည့်တဲ့အခါမှာ အလုပ် ပြန် ဝင်လုပ်ရပြီး နောက် ၂လ အကြာ မှာတော့ စက်ရုံ သူဌေးက ၎င်းကို နစ်နာကြေးအဖြစ် ဘတ် (၁၅၀၀၀၀ ) ပေးမယ် ဟုပြောကာ အလုပ်မှအပြီးတိုင် နားခိုင်းလိုက်တယ်လို့ သိရပါတယ်။
အခုလို ထိုက်သင့်တဲ့ နစ်နာကြေး မပေးဘဲ အလုပ်ကရပ်နားခံရတဲ့ အတွက် ကျေနပ်မှု မရှိတာကြောင့် ၎င်း ရသင့်ရထိုက်တဲ့ နစ်နာကြေး ရရှိဖို့ မြန်မာအလုပ်သမား ဟာ WAG အလုပ်သမားမဟာမိတ်အဖွဲ့ထံ အကူညီတောင်းလာတာ ဖြစ်ကာ WAGအဖွဲ့ အနေနဲ့ လည်း ကူညီဆောင်ရွက်ပေးသွားမယ်လို့ သိရပါတယ်။
