ထိုင်းနိုင်ငံ စမူပကန်မြို့ရှိ ကော်စက်ရုံ တစ်ရုံ မှာ အလုပ်လုပ်ကိုင်နေတဲ့ မြန်မာအလုပ်သမား ၈ဦး ကို စက်ရုံသူဌေးက လုပ်ခလစာ မပေးတဲ့ အပြင် ကြိုတင်အကြောင်းကြားခြင်းမရှိဘဲ အလုပ်က ထုတ်ပယ်ခဲ့တဲ့ အတွက် အမျိုးသားညီညွတ်ရေးအစိုးရ(NUG) အလုပ်သမား ဝန်ကြီးဌာန နဲ့ (MHAC) မဟာမိတ်အဖွဲ့တို့ ကို တိုင်ကြားခဲ့တယ်လို့ သိရပါတယ်။
အလုပ်သမားများ အကူအညီ တောင်းခံလာ တဲ့ အတွက် (MHAC) မဟာမိတ်အဖွဲ့မှ အမှုကိုလက်ခံခဲ့ပြီး အလုပ်သမားများ၏ လုပ်ခလစာနှင့် နစ်နာကြေးများပြန်လည်ရရှိအောင် အန်ယူဂျီ အလုပ်သမားဝန်ကြီးဌာနမှ တာဝန်ရှိသူများနှင့်အတူ သွားရောက်ပြီး စမူပကန်ရှိ ဆဝါဒီကန်ရုံး မှာ သွားရောက်တိုင်ကြား အမှုဖွင့်ပေးခဲ့ ရာ အောက်တိုဘာ ၂၅ရက်မှာ အလုပ်သမား (၈) ယောက်ရဲ့ လုပ်ခလစာ စုစုပေါင်း ဘတ် (၈၀၀၀၀) ကျော်ကို ကနဦး ရရှိခဲ့တယ်လို့ ဆိုပါတယ်။
နိုဝင်ဘာ ၃ ရက်နေ့မှာတော့ ကြိုတင်အကြောင်းမကြားပဲ အလုပ်ကထုတ်ပါယ်ခဲ့တဲ့ အတွက် နစ်နာကြေးငွေ တစ်ဦး ကို (၁၆၀၀၀)ဘတ် စုစုပေါင်း အလုပ်သမား (၈)ဦး၏ နစ်နာကြေး (၁၂၈၀၀၀)ဘတ်ကို ရရှိခဲ့တယ်လို့ သိရပါတယ်။
မြန်မာအလုပ်သမားအမျိုးသား၆ဦးနဲ့အမျိုးသမီး ၂ဦး တို့မှာ ၎င်းကော်စက်ရုံ တွင် အလုပ်လုပ်ခဲ့သည်မှာ လုပ်သက် (၁) နှစ်မှ (၃)နှစ်ကြားရှိပြီ ဖြစ်တယ်လို့ သိရပါတယ်။
