ထိုင်းနိုင်ငံ စာမွတ်ပကန်မြို့နယ်ရှိ စားသောက်ဆိုင်တစ်ခုမှာ လုပ်ကိုင်နေကြတဲ့ မြန်မာအလုပ်သမား ၁၂ ဦးကို ၁လခွဲစာ လုပ်ခလစာ မရှင်းပေးတဲ့ အပြင် ကြိုတင်အကြောင်းကြားခြင်းလည်းမရှိဘဲ ပိုင်ရှင်မှ “ဆိုင်ပိတ်ပြီ။ နက်ဖြန်တစ်ရက်ဆင်းပြီးရင် အလုပ်လာစရာမလိုတော့ဘူး” လို့ ပြောခဲ့တာ ကြောင့် အလုပ်ရှင်ကို တိုင်ကြားခဲ့တယ်လို့ M.H.A.C ထံကသိရပါတယ်။

 

မြန်မာအလုပ်သမား ၁၂ ဦးက ဆိုင်ပိုင်ရှင်ထံ “ရစရာရှိသော လုပ်ခလစာနှင့် ကြိုတင်အကြောင်းကြားခြင်းမရှိဘဲ ရုတ်တရတ် ဆိုင်ပိတ်သိမ်းလိုက်တဲ့ အပေါ် ဘာမှ မလုပ်ပေးဘူးလား” ဟု မေးမြန်းရာ ဆိုင်ပိုင်ရှင်မှ တာဝန်ယူခြင်းမရှိသည့်အပေါ် မကျေနပ်မှုရှိခဲ့ရာမှ M.H.A.C အဖွဲ့ထံ အကူအညီတောင်းခံခဲ့တာပါ။

 

M.H.A.C (မဟာမိတ်အဖွဲ့) အနေနဲ့ မြန်မာအလုပ်သမား တွေ အကူအညီတောင်းခံလာတဲ့အတွက် နယ်မြေခံ ထိုင်းအစိုးရ အလုပ်သမားကာကွယ်စောင့်ရှောက်ရေးဌာန (ဆဝါဒီကန်) မှာ အမှုဖွင့်တိုင်ကြားထားပြီး နစ်နာခဲ့တဲ့ မြန်မာအလုပ်သမား ၁၂ ဦးရဲ့ လုပ်အားခနဲ့ နစ်နာကြေးတွေ ရရှိဖို့ အကူအညီပေးသွားမယ်လို့ သိရပါတယ်။