NEWS

လာအိုရှိ အထောက်အထားမဲ့ မြန်မာအလုပ်သမား တွေကို CI နှင့်OWICကတ် လုပ်ပေးရန်စီစဉ်နေဟုဆို

CoverLogo
35 Views
 
လာအိုနိုင်ငံမှာ ရောက်ရှိနေတဲ့ အထောက်အထားမဲ့ မြန်မာအလုပ်သမားတွေကို CI(မည်သူမည်ဝါဖြစ်ကြောင်းသက်သေခံလက်မှတ်)နဲ့OWIC(ပြည်ပအလုပ်သမားသက်သေခံကတ်) တို့ လုပ်ပေးဖို့ နှစ်နိုင်ငံစီစဉ်နေတယ်လို့ အလုပ်သမားဝန်ကြီးဌာနမှ သိရပါတယ်။
၎င်းကိစ္စရပ်နဲ့ ပက်သက်ပြီး စစ်ကောင်စီ အလုပ်သမားဝန်ကြီးဌာနရဲ့ ပြည်ထောင်စုဝန်ကြီးဦးမြင့်နောင်နဲ့ လာအိုပြည်သူဒီမိုကရက်တစ် သမ္မတနိုင်ငံ မှ သံအမတ်ကြီးတို့ က ဇန်နဝါရီ ၉ရက်နေ့က နေပြည်တော်မှာ ဆွေးနွေးခဲ့ကျတယ်လို့ အလုပ်သမားဝန်ကြီးဌာနရဲ့ သတင်းထုတ်ပြန်ချက်အရ သိရပါတယ်။
တွေ့ဆုံဆွေးနွေးမှု တွင် လာအိုနိုင်ငံရောက်ရှိနေတဲ့ အထောက်အထားမဲ့ မြန်မာနိုင်ငံသား တွေ ကို နှစ်နိုင်ငံ ဝန်ကြီးဌာန အချင်းချင်း ပူးပေါင်းပြီးတော့ နိုင်ငံသားစိစစ်ခြင်း လုပ်ငန်း ကိုe-IDစနစ်နဲ့ တိုက်ဆိုင်စစ်ဆေးပြီး CI(မည်သူမည်ဝါဖြစ်ကြောင်းသက်သေခံလက်မှတ်)နဲ့ OWIC(ပြည်ပအလုပ်သမားသက်သေခံကတ်) တို့ ထုတ်ပေးဖို့ အပြင် နှစ်နိုင်ငံ အလုပ်သမားရေးရာ ကိစ္စ ရပ်တွေကို ပူးပေါင်းဆောင်ရွက်သွားဖို့ ဆွေးနွေးခဲ့တယ်လို့ ဆိုပါတယ်။
""လာအိုမှာ အထောက်အထားမဲ့ မြန်မာအလုပ်သမားတွေ သောင်းနဲ့ချီရှိတယ် အခုလို အထောက်အထား လုပ်ပေးမယ်ဆိုရင်တော့ ပိုကောင်းတာပေါ့ ဒီမှာ က ထိုင်းလိုတော့ တရားမဝင် အလုပ်သမားတွေကို ဖမ်းဆီးမှု အရမ်းမတင်းကျပ်ပေမယ့် ကိုယ့်မှာ အထောက်အထား ရှိနေရင် ပိုပြီး အလုပ်လုပ်ကိုင်ရတာ သွားလာရတာ ပိုအဆင်ပြေတာပေါ့ အခုအစီစဉ်အမြန်ဆုံး အကောင်ထည်ဖေါ်ဖို့မျှော်လင့်တယ်""လို့ လာအိုနိုင်ငံရောက်မြန်မာအလုပ်သမားတစ်ဦးကပြောပါတယ်။
လာအိုနိုင်ငံ က မြန်မာနိုင်ငံထက် လုပ်ခလစာပိုများနေတာကြောင့် တရားမဝင် သွားရောက်တာတွေရှိနေသလို အေဂျင်စီတွေကနေ တစ်ဆင့် တရားဝင် သွားရောက် အလုပ်လုပ်ကိုင်သူတွေ ပိုများလာတယ်လို့ဆိုပါတယ်။
ဒါကြောင့် မြန်မာအလုပ်သမားသွားရောက်အလုပ်လုပ်ကိုင်မှုများလာတဲ့ အတွက် ပြီးခဲ့တဲ့၂၀၂၄ခုနှစ် အောက်တိုဘာ ၂၁ရက် မှာ နှစ်နိုင်ငံအလုပ်သမားရေးရာပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာMOUကိုနှစ်နိုင်ငံဝန်ကြီးဌာန တို့ လက်မှတ်ရေးထိုးခဲ့တယ်လို့ သိရပါတယ်။
လာအိုနိုင်ငံ ရောက် အထောက်အထားမဲ့ မြန်မာအလုပ်သမား မှာလည်း ဦးရေ ၅သောင်းကျော်ခန့်ရှိတယ် လို့ သိရပါတယ်။
MyanmarLabourNews

Related posts

Cover
ပြည်ပလုပ်သားစေလွှတ်ခွင့်လိုင်စင်ရယူထားသူ ၆၀၀ ကျော်ရှိလာ
Dec 27, 2024
Cover
တရားဝင် အလုပ်လုပ်ခွင့် သက်တမ်းတိုးကြေး သုံးဆ အထိတိုးမြှင့်ဖြတ်တောက်ခံနေရလို့ တောင်းဆိုရာ စက်ရုံ ၁၀၀ ကျော်အောင်မြင်မှုရ
Dec 26, 2024
Cover
ကိုရီးယားနိုင်ငံက ဝန်ဆောင်မှုလုပ်ငန်း အမျိုးအစားများအတွက် အမျိုးသမီးအလုပ်သမား လျှောက်လွှာများ လက်ခံတော့မည်
Dec 25, 2024
Cover
ဇန်နဝါရီ ၁ ရက်ကစပြီး အခြေခံလုပ်အားခ တိုးမြင့်မည်
Dec 25, 2024
Cover
အိမ်အကူလုပ်သားများ တရားဝင်ရွှေ့ပြောင်းသွားလာသည့်လမ်းကြောင်းဖြစ်စေရေး အရပ်ဖက်အဖွဲ့အစည်းများ တိုက်တွန်း
Dec 24, 2024
Cover
ထိုင်းနိုင်ငံတွင် မိုးပျံတံတား ပြိုကျမှုကြောင့်သေဆုံးခဲ့သည့် မြန်မာအလုပ်သမား လေးဦး နစ်နာကြေး မရရှိသေးဟုဆို
Dec 21, 2024
Cover
ထိုင်းနိုင်ငံအတွင်း ပြစ်ဒဏ်ကျခံပြီးသည့် မြန်မာအလုပ်သမား ၂၀၀ ကျော်အား မြန်မာနိုင်ငံသို့ ပြန်ပို့
Dec 20, 2024
Cover
မြန်မာရွှေ့ပြောင်းလုပ်သားတွေထံ နေထိုင်ခွင့်သက်တမ်းတိုးခ အဆမတန်ကောက်ခံသူတွေကို အရေးမယူဘဲ အလုပ်သမားတွေကို ရိုက်နှက်ဖမ်းဆီးတာကို အလုပ်သမားအရေးလှုပ်ရှားသူတွေကန့်ကွက်
Dec 19, 2024