ထိုင်းနိုင်ငံ ချာချင်ဆောင်တွင် လမ်းလျှောက်နေစဉ် အနောက်မှ ကားဖြင့် အတိုက်ခံရပြီး ဆုံးပါးသွားတဲ့ မြန်မာလုပ်သား တစ်ဦး အတွက် ကားအားမခံနဲ့ ပကန်စခွန်တို့မှ ထိုင်းဘတ်ငွေ ၁ သန်းရရှိခဲ့တယ်လို့ ၄အမှု ကို ကူညီပေးခဲ့တဲ့ MHAC မဟာမိတ်အဖွဲ့ ထံ မှသိရပါတယ်။
ပြီးခဲ့တဲ့ ဇန်နဝါရီလ ၁၇ ရက်နေ့ ည၈နာရီကျော် အချိန်ခန့်မှာ မြန်မာလုပ်သား အမျိုးသားတစ်ဦးဟာ ၄ရဲ့ ချစ်သူမိန်းကလေးအလုပ်လုပ်နေ တဲ့ စက်ရုံမှ မိန်းကလေးအားကြိုပြီး အတူတူလမ်းလျှောက် ပြန်လာစဉ် လမ်းတစ်နေရာ အရောက် ထိုင်းနိုင်ငံသား မောင်းနှင်တဲ့ ကားမှာ အနောက်မှအရှိန်ဖြင့်ဝင်တိုက်ခဲ့ရာ မြန်မာလုပ်သား အမျိုးသားမှာ နေရာတွင်ပင် ဆုံးပါးသွားခဲ့တယ်လို့ သိရပါတယ်။
ဆုံးပါးသွားတဲ့ အမျိုးသားမှာ ချစ်သူအမျိုးသမီး နဲ့ လက်ထပ်နေနိုင်ရန် နခွန်ပထုန်မှ ချစ်သူအမျိုးသမီးရှိရာချာချင်ဆောင်သို့ ပြောင်းလာတာမှာ ၆ရက်သာရှိသေးပြီး ၆ရက်မြောက် နေ့မှာပင် ချာချင်ဆောင်ရှိ ချစ်သူအမျိုးသမီးရဲ့ အလုပ်မှကြိုပြီး အပြန်လမ်းတစ်နေရာ၌ ယခုကဲ့သို အဖြစ်ဆိုးနှင့်ကြုံတွေ့ခဲ့ရတာဖြစ်တယ်လို့ ဆိုပါတယ်။
သေဆုံးသူ မြန်မာလုပ်သား မှာ အသက်၃၆ နှစ်အရွယ် မောင်သော်သော်လင်း ဖြစ်ပြီး ၄င်းရဲ့ နစ်နာမှု အတွက် ကျန်ရစ်သူမိသားစုများ နှင့်မိတ်ဆွေတွေမှ MHACမဟာမိတ် အဖွဲ့ ထံ အကူညီတောင်းခံလာတာကြောင့် ဇန်နဝါရီလ ၂၄ရက်နေ့တွင် ရဲစခန်း၌ ကားသမားနဲ့ ကျန်ရစ်သူမိသားစုမှ တွေ့ဆုံညှိနှိုင်းခဲ့ကြပြီး ကားအားမခံနှင့် ပကန်စခွန်တို့မှ ထိုင်းဘတ်ငွေ ၁ သန်းရရှိခဲ့ကြောင်း သိရပါတယ်။
