NEWS

ရုရှား သို့ မြန်မာလုပ်သား ၂၄ ဦး စစ်ကောင်စီ စတင်စေလွှတ်

CoverLogo
337 Views

ရုရှား နိုင်ငံ မှာ အလုပ် လုပ်ကိုင်ဖို့ အတွက် မြန်မာအလုပ်သမား ၂၄ဦး ကို Pilot Project အနေနဲ့ စစ်ကောင်စီရဲ့ အလုပ်သမား ဝန်ကြီးဌာနက မတ်လ ၅ ရက် နေ့က စေလွှတ်လိုက်တယ်လို့ သတင်းထုတ်ပြန်လိုက်ပါတယ်။ 

ပြည်ပအလုပ်အကိုင်အကျိုးဆောင် လိုင်စင်ရအေဂျင်စီဖြစ်တဲ့ Vista International Co.,Ltd ရဲ့ အစီအစဉ်ဖြင့် ရုရှားဖက်ဒရေးရှင်းနိုင်ငံ Joint-Stock Company ‘Inturd’ Co., Ltd သို့ ကျွမ်းကျင်မြန်မာလုပ်သား ၅၄ ဦးအနက် ကနဦးအစီအစဉ်အနေနဲ့ လုပ်သား ၂၄ ဦးအား Pilot Project ဖြင့် စေလွှတ်ခဲ့တာဖြစ်တယ်လို့ ထုတ်ပြန်ထားပါတယ်။

၎င်းအလုပ်သမားတို့ကို ဖေဖော်ဝါရီ ၂၈ ရက် မှာ အလုပ်ရှင်၊ အလုပ်သမားအလုပ်ခန့်ထားမှုဆိုင်ရာ သဘောတူစာချုပ်ချုပ်ဆိုခြင်း၊ မတ် ၃ ရက် နေ့မှာ ပြည်ပအလုပ်အကိုင်လမ်းညွှန်သင်တန်း သင်ကြားပို့ချခြင်းနဲ့ ပြည်ပအလုပ်အကိုင် အလုပ်သမားသက်သေခံကတ် (OWIC) ပြုလုပ်ပေးခဲ့ပြီး မတ်လ ၅ရက်နေ့မှာ ရုရှားနိုင်ငံကိုစေလွှတ်ခဲ့တယ်လို့ဆိုပါတယ်။ယခုသွားရောက်တဲ့ မြန်မာအလုပ်သမား၂၄ဦး ဟာ မည်သည့်လုပ်ငန်း မှာ လုပ်ကိုင်မယ်ဆိုတာကိုတော့ စစ်ကောင်စီရဲ့ အလုပ်သမားဝန်ကြီးဌာနက ထုတ်ပြန်ထားတာမရှိပါဘူး။

စစ်ကောင်စီရဲ့ အလုပ်သမားဝန်ကြီးဌာနနဲ့ ရုရှားဖက်ဒရေး ရှင်းနိုင်ငံအလုပ်သမားနှင့် လူမှုကာကွယ်စောင့်ရှောက်ရေးဝန်ကြီးဌာနတို့အကြား အလုပ်သမားရေးရာ ပူးပေါင်းဆောင်ရွက်ခြင်း ဆိုင်ရာ နားလည်မှုစာချွန်လွှာ (MoU) လက်မှတ်ရေးထိုးနိုင်ရေး ညှိနှိုင်းဆောင်ရွက်လျက်ရှိပေမယ့် လက်ရှိမှာ MoU လက်မှတ်ရေးထိုးရခြင်း မရှိသေးဘူးလို့ စစ်ကောင်စီက သတင်းထုတ်ပြန်ထားပါတယ်။

Myanmar Labour News ရဲ့ နောက်ဆုံးရအလုပ်သမားရေးရာ သတင်းတွေကို
အပလီကေးရှင်း - https://bit.ly/3oNDLga
ဝက်ဘ်ဆိုက် - https://www.myanmarlabournews.com
တယ်လီဂရမ် - https://t.me/myanmarlabournews တွေမှာလည်း ဝင်ရောက်ဖတ်ရှု့နိုင်ပါတယ်။


Related posts

Cover
ပြည်ပအလုပ်ခေါ်စာအသစ် များအတွက် EC စာချုပ် ချုပ်ခွင့် မပြုသေး
Jun 28, 2025
Cover
လစာနှင့်နစ်နာကြေးမပေးဘဲ အလုပ်ဖြုတ်သည့်သူဌေးကို အလုပ်သမားရုံးသို့ တိုင်ကြားပြီးနောက် မြန်မာလုပ်သား ၁၈၀ အလုပ်ပြန်ရ
Jun 28, 2025
Cover
အဝေးပြေး ဘတ်စ်ကား ဖြင့် လိုက်ပါလာသည့် မြန်မာနိုင်ငံသား ၅၀ ခန့် အထောက်အထားမရှိသဖြင့် ထိုင်းရဲ ဖမ်းဆီး
Jun 28, 2025
Cover
ပြစ်ဒဏ်ကျခံပြီးသည့် ရွှေ့ပြောင်း လုပ်သား ၁၃၀ ကျော်ကို မြန်မာဘက်သို့ ပြန်ပို့
Jun 28, 2025
Cover
စာရွက်စာတမ်းအတုဖြင့် အေဂျင်စီ များထံ အချက်အလက် တောင်းယူမှုရှိနေဟုဆို
Jun 26, 2025
Cover
ပြည်ပထွက်ခွင့် တင်းကျပ်မှုကြောင့် အလုပ်သမားတွေ ချေးငွေပိကာ နစ်နာဆုံးရှုံးမှုများနေ
Jun 24, 2025
Cover
ကန်ချနဘူရီတွင် အထောက်အထားမဲ့ နယ်စပ်ဖြတ်ကျော်သည့် မြန်မာအလုပ်သမား ၄၀ ကျော်အဖမ်းခံရ
Jun 23, 2025
Cover
ထိုင်းနိုင်ငံရေးအခြေအနေကြောင့် ရွှေ့ပြောင်းလုပ်သား သက်တမ်းတိုးလုပ်ငန်းစဉ်ကြန့်ကြာမည်ကို စိုးရိမ်ရ
Jun 22, 2025