NEWS

ရန်ကုန်မြစ်အတွင်း ထူးကဲဒီရေ အခြေခံရေစစ်မျဉ်းအထက် ပေ ၂၀ မှ ၂၁ပေ အထိ မြင့်တက်နိုင်တယ်လို့ ဆိပ်ကမ်းအာဏာပိုင်သတိပေးထား

CoverLogo
377 Views

စက်တင်ဘာ ၁၇ ရက်က​နေ  စက်တင်ဘာ ၂၃ ရက်နေ့  ကာလအတွင်းမှာ ရန်ကုန်မြစ်အတွင်း  မြစ်ရေဟာအခြေခံရေစစ်မျဉ်းအထက်  ၂၀ ဒသမ ၁၁ ပေခန့်မှ့ ၂၁ဒသမ ၇၂ ပေခန့်အထိသာမန်ထက်  ထူးကဲဒီရေ  တက်ဖွယ်ရှိတယ်လို့  မြန့်မာ့ဆိပ်ကမ်း  အာဏာပိုင်က သတိပေးချက် ထုတ်ပြန်  ထားပါတယ်။ 

ထူးကဲဒီရေဟာ  ယခင် ၂၀၁၄ - ၂၀၁၅ ခုနှစ်က အမြင့်ပေ ၂၂ပေအထိတက်ခဲ့ဖူးတဲ့အတွက်  စိုးရိမ်ဖွယ်မရှိဘူးလို့ဆိုပေမဲ့အခြေခံရေစစ်မျဉ်းအထက်  အမြင့်ပေ  ၂၀ ကျော်လွန်နိုင်တဲ့ အတွက်  မြစ်ကမ်းနားဒေသအနီး  နေထိုင်ကြတဲ့ပြည်သူတွေအနေနဲ့  ကြိုတင်ပြင်ဆင်ထားနိုင်ဖို့   သတိပေးချက် ထုတ်ပြန်တာဖြစ်တယ်လို့  မြန်မာ့ဆိပ်ကမ်း အာဏာပိုင်ကထုတ်ပြန်ထားပါတယ်။ 

ထူးကဲ ဒီရေနဲ့  ပက်သက်ပြီး  ပုဂ္ဂလိက မိုးလေဝသ ​လေ့လာသူ   ဦးဝင်နိုင်က အခုလို  အသိပေးထားပါတယ် "" မြစ်ရေတွေက ဆက်လက် ကျဆင်းနေတဲ့အတွက်  ၁၇ ရက်မှ ၂၁ အတွင်းထူးကဲဒီရေ တက်တဲ့အချိန်တွေမှာလဲ  ရန်ကုန်မြို့နဲ့အနီးပတ်ဝန်းကျင်က အနိမ့်ပိုင်း  ဒေသအချို့မှာသာ ရေတက်နိုင်  ရေကြီးနိုင်ခြေ  ရှိပါတယ်  တစ်ခု  မေ့ထားလို့မရတာက ဘယ်နေရာမဆို ရေတက်ရင်  ရေကြီးရက်  ရေတက်တာကအတော် မြန်တတ်ပါတယ်  ရေပြန် ကျရင်တော့ နှေးကွေးနေတတ်ပြီး သောက်ရေ  သုံးရေ  လျှပ်စစ်မီးကအစ အခက်အခဲတွေ ဖြစ်လာတာကြောင့်  ကျန်းမားရေး ဆိုင်ရာ နောက်ဆက်တွဲ ပြဿနာတွေအတွက်  ကြိုတင် ပြင်ဆင်ထားရမယ်လို့""  ဆိုပါတယ်။ 

မိုးလေဝသနှင့် ဇလဗေဒ ညွှန်ကြားမှုးဦးစီးဌာန ရဲ့  စက်တင်ဘာ ၁၇ရက် နံနက် ပိုင်း  ထုတ်ပြန်ချက်အရ    အိန္ဒိယ နိုင်ငံ၊ အနောက်ဘင်္ဂလားပြည်နယ်ကုန်းတွင်းပိုင်းဒေသများတွင် ဖြစ်ပေါ်ခဲ့သော အားကောင်းသောမုန်တိုင်းငယ် (Deep Depression)ကြောင့်ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားအသင့်အတင့်မှ အားကောင်းနေတယ်လို့ ဆိုပါတယ်။ 

ဒါကြောင့် စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသ ကြီးနှင့် ရှမ်းပြည်နယ်(မြောက်ပိုင်း)တို့တွင် နေရကွက်ကျား၊ နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ကယားပြည်နယ်တို့တွင် နေရာ ကျဲကျဲ၊ ဧရာဝတီတိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်နှင့် တနင်္သာရီ တိုင်းဒေသကြီးနှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့မှာ နေရာအနှံ့အပြား မိုးထစ်ချုန်းရွာမယ်လို့သိရပါတယ်။ 

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့မှာ  တစ်ခါတစ်ရံ မိုးသက် လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်ကာ မိုးသက်လေပြင်းကျစဉ် ရေပြင်/မြေပြင်လေ သည် တစ်နာရီလျှင် မိုင် ၃၀မှ ၃၅ မိုင်အထိ တိုက်ခတ်နိုင်ပြီးလှိုင်းအမြင့်မှာ  ၇ ပေမှ ၉ ပေခန့် ရှိနိုင်တယ်လို့ ထုတ်ပြန်ထားပါတယ်။ 

 


Related posts

Cover
SMS (စာတို)ပို့ပြီး လိမ်လည်ရန်ကြိုးပမ်းမှုများလာ
Apr 09, 2025
Cover
မြန်မာ့ငလျင်ဘေး အပြင်းထန်ဆုံးကြုံရသူ ၉ ဒသမ ၁ သန်းရှိကြောင်း ကုလဖော်ပြ
Apr 09, 2025
Cover
ပြည်တွင်း အလည်အပတ် ဗီဇာ လျှောက်ထားမှုကို ယာယီရပ်ဆိုင်း
Apr 07, 2025
Cover
ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး
Apr 07, 2025
Cover
ရာအိမ်မှူးများမှ တဆင့် အကျဉ်းသားမိသားစုဝင်များအား ငွေကြေးလိမ်လည်မှုများရှိနေ
Apr 07, 2025
Cover
ငလျင်ကြောင့် သေဆုံးခဲ့ရသူ ၁ ဦး လျင်ကျပ် ၁၀ သိန်းစီ ထောက်ပံ့မည်ဟု ဆို
Apr 06, 2025
Cover
ဧပြီ ၁၁ ရက်အထိ နောက်ဆက်တွဲငလျင်ငယ် တွေ လှုပ်ခတ်နိုင်ဟု ခန့်မှန်း
Apr 06, 2025
Cover
ဘန်ကောက်ရှိ စာရင်းစစ်ရုံး ပြိုကျမှုမှ သေဆုံးဒဏ်ရာရသူများကို တပတ်အတွင်း နစ်နာကြေးပေးမည်
Apr 06, 2025