မြန်မာနိုင်ငံအနေ နဲ့ နှစ်စဉ်လုပ်သား ဦးရေခွဲတမ်းရရှိမှုအလိုက် လုပ်သားများစေလွှတ်ပေးလျက်ရှိရာ မှာ ၂၀၂၄ ခုနှစ်အတွက် လုပ်သား ၁၁၀၀၀ ကျော် စေလွှတ်ခွင့်ရရှိထားတယ်လို့ ဆိုပါတယ်။

တောင်ကိုရီးယားနိုင်ငံ ကို ၂၀၁၁ ခုနှစ်မှ ၂၀၂၄ ခုနှစ် ဇွန်လ အထိ EPSစနစ် နဲ့ မြန်မာအလုပ်သမား ၆၅၀၀၀ကျော် စေလွှတ်နိုင်ခဲ့တယ်လို့ အလုပ်သမားဝန်ကြီးဌာနရဲ့ ထုတ်ပြန်ချက်အရသိရပါတယ်။

ကိုရီးယားသမ္မတနိုင်ငံသို့ သွားရောက်လုပ်ကိုင်လိုသူတွေ အနေ နဲ့ ကိုရီးယားသမ္မတနိုင်ငံ အလုပ်အကိုင်နှင့် အလုပ်သမားဝန်ကြီးဌာနအောက်ရှိ လူ့စွမ်းအားအရင်းအမြစ်ဖွံ့ဖြိုးရေးဝန်ဆောင်မှုလုပ်ငန်းအဖွဲ့ Human Resorce Development Service of Korea (HRD-Korea) က ကျင်းပတဲ့ ကိုရီးယားဘာသာအရည်အချင်းစစ်စာမေးပွဲ (EPS-TOPIK)ကို ဦးစွာဖြေဆိုရပြီး အောင်မြင်သူတွေကိုသာ အခြေခံကျွမ်းကျင်မှု (Skills Test) စစ်ဆေးခြင်းကိုခံယူကာ EPS စနစ်အတွင်း ကိုရီးယားအလုပ်ရှင်များကရွေးချယ်မှသာ ကိုရီးယားသမ္မတနိုင်ငံသို့ သွားရောက်လုပ်ကိုင်ကြရတာဖြစ်တယ်လို့ဆိုပါတယ်။

EPS စနစ် ဖြင့်တောင်ကိုရီးယားနိုင်ငံသို့ အလုပ်သမားစေလွှတ်ခြင်းကို မြန်မာနိုင်ငံ က ၂၀၁၁ ခုနှစ်တွင် စတင်ဆောင်ရွက်ခဲ့ပြီး ၂၀၂၄ ခုနှစ် ဇွန်လအထိ လုပ်သားဦးရေ ၆၅၀၀၀ ကျော် စေလွှတ်ခဲ့ပြီးဖြစ်တယ်လို့ သိရပါတယ်။

တောင်ကိုရီးယားနိုင်ငံအနေနဲ့အရင်က EPS စနစ်နဲ့ ကုန်ထုတ်၊ ဆောက်လုပ်ရေး၊ စိုက်ပျိုးရေးနဲ့မွေးမြူရေးလုပ်ငန်းတွေအတွက်သာ လုပ်သားခေါ်ယူရာကနေ ဒီနှစ်ကစပြီး ဝန်ဆောင်မှုလုပ်ငန်းအမျိုးအစားတစ်ခု ထပ်တိုးခွင့်ပြုခဲ့ပါတယ်။

ဝန်ဆောင်မှုလုပ်ငန်းမှာ အမျိုးသမီးတွေပါ လုပ်ကိုင်ခွင့်ရရှိတာကြောင့် စိတ်ဝင်စားမှုမြင့်တက်ခဲ့သလို ဒီနှစ်လည်မှာ ကျင်းပခဲ့တဲ့ EPS-TOPIKစာမေးပွဲမှာလည်း ဝင်ရောက်ဖြေဆိုသူစံချိန်တင်များပြားခဲ့တယ်လို့ထုတ်ပြန်ချက်တွေအရ သိရပါတယ်။

ဒါ့အပြင် အစိုးရအချင်းချင်းG to G ပို့ဆောင် တဲ့ အတွက် အမျိုးသားများ ပြည်ပထွက်အလုပ်လုပ်ခွင့် အသက်ကန့်သက်ချက် မှာ EPS စနစ်နဲ့ ကိုရီးယားကိုအလုပ်သွားရောက် လုပ်လိုသူတွေ မပါရှိဘူးလို့ သိရပါတယ်။