ထိုင်းနိုင်ငံ အတွင်း အထောက်အထားမပြည့်စုံလို့ အဖမ်းခံရတဲ့ ရွှေ့ပြောင်းမြန်မာလုပ်သားတွေကို စစ်ကောင်စီ ထံ ပြန်မပို့ဖို့ အဖွဲ့စည်းအသီးသီးက တောင်းဆို ကန့်ကွက်တာတွေ ပြုလုပ်နေပေမယ့် မတ်လ ၁၉ရက်နေ့ မှာ မြန်မာအလုပ်သမား ၂၅၀ကို ထိုင်းအာပိုင်တွေက မြန်မာပြည်ဘက် စစ်ကောင်စီထံ ပြန်လွှဲပြောင်းပေးခဲ့တယ်လို့ ရနောင်းလူဝင်မှုကြီးကြပ်ရေးရုံးရဲ့ ထုတ်ပြန်ချက်အရ သိရပါတယ်။
ပြန်ပို့ခံရတဲ့ မြန်မာရွှေ့ပြောင်းလုပ်သား ၂၅၀ မှာ အမျိုးသား ၂၁၆ ဦး အမျိုးသမီး ၃၄ဦးတို့ ပါ၀င်ပြီးရနောင်းလှေဆိပ်ကနေ ကော့သောင်းဘက်သို့ စက်လှေများဖြင့် လွှဲပြောင်းပေးခဲ့တယ်လို့ ဖော်ပြထားချက်အရသိရပါတယ်။
အကြောင်းအမျိုးမျိုးနဲ့ ပြစ်ဒဏ်ကျခံပြီး စစ်ကောင်စီထံ ပြန်ပို့ ခံရတဲ့ မြန်မာရွှေ့ပြောင်းလုပ်သား အများစုကို စစ်ကောက်စီဘက်မှ စစ်မှုထမ်းဥပဒေအကြောင်းပြကာ ဖမ်းဆီးခေါ်ဆောင်တာတွေ ရှိနေတဲ့ အတွက် ထိုင်းတက်ကြွလှုပ်ရှားသူတွေ အဖွဲ့စည်းအသီးသီးနဲ့ ပြည်ပရောက် မြန်မာနိုင်ငံသားတွေက နေရပ်ကိုပြန်မပို့ဖို့ တောင်းဆိုမှုတွေ ဆက်တိုက်ဆောင်ရွက်လျက်ရှိပါတယ်။
"'လူမဆန်တဲ့လုပ်ရပ်တခုလို့ပဲမြင်ပါတယ် မအလ ကအတင်းအဓမ္မစစ်သားလုပ် ဖို့ ခေါ်ဆောင်ခံရတာတွေ ပေါ်တာဆွဲ နေတဲ့ သတင်းတွေ လဲသူတို့ထိုင်းကတာဝန်ရှိသူတွေသိပြီးသား အဲဒါကိုဖမ်းဆီးခံထားရပြီးလွှတ်ရက်စေ့လို့ လွှတ်လာတဲ့သူကိုမအလလက်ထဲဇွတ်အတင်းထည့်လိုက်တာ ထိုင်းအစိုးရကတာဝန်ရှိသူတွေဟာလူမဆန်တဲ့အမှားကိုလုပ်လိုက်တာပါ""လို့ထိုင်းရောက်မြန်မာအလုပ်သမားတစ်ဦးကပြောပါတယ်။
ပြီးခဲ့တဲ့ ၂၀၂၄ခုနှစ် အတွင်း က ရနောင်းထိန်းသိန်းရေးစခန်းကနေ မြန်မာနိုင်ငံဘက်စစ်ကောင်စီထံ ထိုင်းအာဏာပိုင်တွေက လွှဲပြောင်းပေးခဲ့တဲ့ မြန်မာရွှေ့ပြောင်းလုပ်သား၂၀၀၀ ကျော်ထိရှိပြီး ယခု၂၀၂၅ခုနှစ်တွင် ယခုအကြိမ်အပါအဝင် ၃ကြိမ်ရှိပြီ ဖြစ်ကာ မြန်မာလုပ်သား ၆၀၀နီးပါး ကို စစ်ကောင်စီထံ ထိုင်းအာဏာပိုင်တွေ ပြန်လွှဲပေးခဲ့ပြီ ဖြစ်တယ်လို့ သိရပါတယ်။
