မြန်မာ-ရုရှား နှစ်နိုင်ငံ ကြား သာမန်နိုင်ငံကူးလက်မှတ် ကိုင်ဆောင်သူတွေ အတွက် အပြန်အလှန် ပြည်ဝင်ခွင့်ဗီဇာ ကင်းလွတ်ခွင့် ကို ဇန်နဝါရီ ၂၇ ရက်က စတင် ပြီး အသက်ဝင်ပြီ ဖြစ်တယ်လို့ ရုရှားနိုင်ငံခြားရေးဝန်ကြီးဌာနက ဇန်နဝါရီလ ၁၉ ရက်မှာ ထုတ်ပြန်ပါတယ်။
ရုရှားနိုင်ငံနဲ့ မြန်မာနိုင်ငံတို့အကြား ပြည်ဝင်ခွင့်ဗီဇာ အပြန်အလှန်ကင်းလွတ်ခွင့်ဆိုင်ရာ သဘောတူညီချက် ကို ၂၀၂၅ခုနှစ် အောက်တိုဘာ ၂၈ ရက်က ရုရှားနိုင်ငံ မင့်စ်မြို့မှာ လက်မှတ်ရေးထိုး ခဲ့ ပြီး စာချုပ်ပါအချက်အလက် တွေ ကို လာမယ့် ဇန်နဝါရီလ ၂၇ ရက် မှာ စတင်အသက်ဝင်မယ်လို့ ထုတ်ပြန် ထားပါတယ်။
သဘောတူညီချက် အရ ရုရှား နိုင်ငံမှာ အမြဲနေထိုင်ခွင့် ၊ပညာရေးသို့မဟုတ် အလုပ်လုပ်ကိုင်ခွင့် ဆိုင်ရာ အကြောင်းအရာများနဲ့ မသက်ဆိုင်ဘဲ မြန်မာနိုင်ငံသို့ နိုင်ငံ ပြည်ဝင်ခွင့်ဗီဇာမလိုဘဲ ဝင်ရောက်နိုင်သလို မြန်မာနိုင်ငံမှ လည်း ရုရှား နိုင်ငံသို့ ပြည်ဝင်ခွင့်ဗီဇာမလိုဘဲ တစ်ကြိမ်လျှင် ရက်ပေါင်း ၃၀ အထိ နေထိုင်ခွင့်ရရှိမယ်လို့ သိရပါတယ်။
သို့ပေမယ့် တစ်နှစ်တာကာလအတွင်း စုစုပေါင်းနေထိုင်ခွင့်ကာလဟာ ရက်ပေါင်း ၉၀ ထက်မပိုစေရဘူးလို့ ဆိုပါတယ်။
မြန်မာနိုင်ငံ မှ စစ်ကော်မရှင်နဲ့ ရုရှား နိုင်ငံတို့ နှစ်နိုင်ငံ ဆက်ဆံရေး တည်ဆောက်နေပြီး မြန်မာနိုင်ငံမှ လုပ်သား တွေကို ရုရှား နိုင်ငံသို့ ၂၀၂၅ခုနှစ် မတ်လ တွင် pilot project ဖြင့် မြန်မာလုပ်သား၂၄ဦးနဲ့ဧပြီတွင် ၃၀ဦး စေလွှတ်ခဲ့ ကြောင်း သိရပါတယ်။
ရုရှားနိုင်ငံသို့ မြန်မာအလုပ်သမား စေလွှတ်ရန် အတွက် စစ်ကော်မရှင်နဲ့ နီးစပ်မှုရှိတဲ့ ပြည်ပအလုပ်အကိုင်ရှာဖွေရေးအေဂျင်စီ ၄ ခုကို တရားဝင်ခွင့်ပြုထားကာ ကုန်ထုတ် ၊ဆောက်လုပ်ရေး၊ စိုက်ပျိုးရေး၊ မွေးမြူရေးစတဲ့ လုပ်ငန်းတွေ အတွက် ခေါ်ယူမယ်လို့ သိရပါတယ်။
