ထိုင်းရောက် မြန်မာအလုပ်သမား ၂ဦး ကို ပစ်သတ်ခဲ့တဲ့ ထိုင်းနိုင်ငံသား ၃ဦး ကို ရနောင်းရဲတပ်ဖွဲ့က ဖမ်းမိခဲ့တယ်လို့ သတင်းထုတ်ပြန်ထားပါတယ်။
ပြီးခဲ့တဲ့ ၂၀၂၄ ခုနှစ် အောက်တိုဘာလ ၂၃ ရက်နေ့က မြန်မာ အလုပ်သမား ၂ဦး ကို သေနတ်နဲ့ ပစ်သတ်ခဲ့တဲ့ သံသယရှိသူ ၃ဦး ကို မတ်လ ၁၂ရက်က ရနောင်းခရိုင် အတွင်း ရဲတပ်ဖွဲ့က သတင်းရရှိတဲ့ အတွက် ဖမ်းဝရမ်းနဲ့ ဝင်ရောက် ဖမ်းဆီးခဲ့တယ်လို့ သိရပါတယ်။
သံသယရှိသူ ၃ဦး တွင် အသက် ၇၂ နှစ်အရွယ် အဓိက တရားခံ Bang Mad၊ အသက် ၂၂ နှစ်အရွယ် Sakorin နဲ့ အသက် ၂၅ နှစ်အရွယ် Wichai တို့ဖြစ်ပြီး Bang Mad က သတ်ဖို့ ကြံရွယ်တာကို အခြား၂ဦးက သူတွေက ကူညီပေးခဲ့တာဖြစ်တယ်လို့ ဆိုပါတယ်။
အသတ်ခံရတဲ့ မြန်မာအလုပ်သမား၂ဦးနဲ့ သတ်ခဲ့သူ တရားခံ ၃ဦး တို့ မှာ ရာဘာစေးခြစ်တဲ့ လုပ်ငန်းမှာအတူ လုပ်ကိုင်သူတွေ ဖြစ်ပြီး အလုပ်ရှင်က မြန်မာအလုပ်သမား တွေ ကို သာ အလုပ်မှာ ဆက်လက်ထားရှိမယ်လို့ ပြောဆိုကြောင်း ထို့နောက် သူဌေး လူယုံဖြစ်တဲ့ မြန်မာလုပ်သား ၂ဦးက အန္တရာယ် ပြုလာနိုင်တဲ့ အတွက် သူတို့က လက်ဦးမှုရယူခဲ့တာဖြစ်ပြီး သူ့ရဲ့ မွေးရပ်မြေကို တခါတည်းပြေးလာခဲ့တာလို့ ရဲတပ်ဖွဲ့ရဲ့ စစ်ဆေးမှု ကို ထွက်ဆိုပါတယ်။
တရားခံ ၃ ဦးဟာ အလုပ်ရုံ ဝင်းထဲ မှ အလုပ်ရှင်နဲ့ကားနဲ့အဖိုးတန်ပစ္စည်း များ မြန်မာလုပ်သားနှစ်ဦး နေအိမ် မှ ပစ္စည်း တွေကို သယ်ဆောင်သွားတယ်လို့သိရပါတယ်။
ဒါကြောင့် ၎င်းတို့ကို နိုင်ငံခြားသားတွေကို သတ်မှု၊အလုပ်ရှင်ရဲ့ ပစ္စည်းတွေ ခိုးမှုအပါအဝင်စတဲ့ ဆွဲချက်တွေနဲ့ ဖမ်းဆီးထားတာဖြစ်တယ်လို့ သိရပါတယ်။
Ref-Khaosod Thai
