NEWS

မြန်မာအလုပ်သမား ၁၀၀ ကျော် ရက်အကန့်အသတ်မရှိ အလုပ်နားခံရပြီး လုပ်ခလဝက်စာ မရ​သေး

CoverLogo
133 Views

ထိုင်းနိုင်ငံ၊ စမွတ်စာခွန်ခရိုင်၊ ကတွန်းဘင်မြို့နယ် လန်ဝမ့်မှာ ရှိတဲ့ SAWA INTERNATIONAL CO.,LTD (မီးသီးစက်ရုံ)မှာ လုပ်နေတဲ့ မြန်မာလုပ်သမား ၁၀၀ကျော် ရက်အကန့်သက်မရှိ အလုပ်နားခိုင်းခံရပြီး ရရှိရမယ့် လုပ်ခ ၁၅ ရက်စာ ဘတ်၇သိန်းဝန်းကျင် ကို မပေးတဲ့ အတွက် စားဝတ်နေရေးအခက်ခဲ ဖြစ်ပေါ်နေတယ်လို့ ထိုင်းရောက်မြန်မာအလုပ်သမားအရေးကူညီပေးနေတဲ့ WAG မဟာမိတ်အဖွဲ့ ထံ က သိရပါတယ်။ 


မြန်မာအလုပ်သမား ၁၀၀ ကျော်မှာ MOU၊ CIနဲ့ PJ စာအုပ် စတဲ့အထောက်အထား ကိုင်ဆောင်ထားသူ ဖြစ်ပြီး ၎င်းမီးသီး စက်ရုံ မှာ အလုပ် လုပ်ဖို့ အတွက် ကြားပွဲစားဖြစ်သူနဲ့ယင်း စက်ရုံ မှ စကားပြန် ဖြစ်သူ တို့ကို စမက်ခ၊ ကျန်းခေါက်ခ၊ ပကန်ကျေး တို့ အတွက် အလုပ်သမားတစ်ဦး ကို ဘတ် ၇၀၀၀ စီ ယူပြီး အလုပ်သွင်းပေးခဲ့တာ ဖြစ်တယ်လို့ သိရပါတယ်။ 


အလုပ်လုပ်တဲ့ကာလ ၄လ ကျော်ကြာခဲ့ပြီး အလုပ်လုပ်လာသည့်ကာလ တစ်လျှောက် လုပ်ခလစာ အပြည့်အဝမရရှိတဲ့ အပြင် ဩဂုတ်လ ၂၀ရက် မှ စပြီး အလုပ်မရှိလို့ ဟု အကြောင်းပြကာ ရက်အကန့်သက်မရှိ အလုပ်နားရမယ်လို့ စက်ရုံဘက်ကပြောခဲ့ကြောင်း သိရပါတယ်။ 


အခုလို အလုပ်နားရပြီး  လုပ်အားခ ၁၅ရက်စာကို ထုတ်မပေးဘဲ လကုန်ပြီး ၁၀ရက်မှ သာ ထုတ်ပေးမယ် ဆိုတဲ့ အတွက်အလုပ်သမားတွေမှာ စားဝတ်နေရေးအခက်ခဲ ဖြစ်နေသလို အထောက်အထားတွေ မထုတ်ပေးတဲ့ အတွက် အခြားစက်ရုံ ကို ပြောင်းဖို့ရန်ပါ အခက်တွေ့နေတယ်လို့သိရပါတယ်။ 


"အခုလက်ရှိ အဲ့ဒီ မီးသီးစက်ရုံ မှာ အလုပ်ထုတ်ခံရတဲ့ အလုပ်သမားတွေ အတော်လေး ဒုက္ခရောက်နေကြတာ စားဝတ်နေရေး နေထိုင်ရေးကအစ ကျန်ခေါက် ပြီး မှ အလုပ်ထုတ်ခံရတာအလုပ်မတရားခိုင်းပြီး မှ ထုတ်တာ  နစ်နာကြေးလည်းမပေးဘူး၊ တာဝန်ယူမှုမရှိဘူး ""လို့ ထိုင်းရောက်မြန်မာအလုပ်သမားတစ်ဦးကပြောပါတယ်။ 


ယခုလို အလုပ်သမားတွေရရှိမယ့်  လုပ်အားခ တစ်ဦးလျှင် ဘတ် ၇၀၀၀ ခန့် အယောက် ၁၀၀ အတွက် ဘတ် ၇ သိန်းနီးပါး ရရှိစေရန်နဲ့ အလုပ်သမားအခွင့်ရေးချိုးဖောက်ခံရတာတွေကို ကူညီပေးဖို့ WAGအလုပ်သမားမဟာမိတ်အဖွဲ့ ထံအကူညီတောင်းခံထားကာ WAGအဖွဲ့ မှလည်း ဆောင်ရွက်နေတယ်လို့ သိရပါတယ်။ 


Related posts

Cover
မြန်မာအလုပ်သမား လူငယ်တစ်ဦး လူကူးတံတားပေါ်မှ ခုန်ချရန်ကြိုးစားသဖြင့် ထိုင်းရဲကယ်တင်ခဲ့ရ
Oct 18, 2024
Cover
စင်္ကာပူ ရောက်မြန်မာများ နိုင်ငံကူးလက်မှတ် သက်တမ်းတိုးပါက မှတ်ပုံတင်ယူရလာမည်ဟု မြန်မာသံရုံးကြေညာ
Oct 15, 2024
Cover
လုပ်အားခ မပေးဘဲ စက်ရုံ ပိတ်ကာ သူဌေးနှင့်မန်နေဂျာ တွေ ထွက်ပြေးတိမ်းရှောင်နေလို့ မြန်မာအလုပ်သမား၂၈ ဦး အခက်ခဲဖြစ်
Oct 14, 2024
Cover
ထိုင်းမှာ လုပ်ကိုင်ခွင့်မရှိတဲ့ အလုပ်လုပ်မှုနဲ့အလုပ်သမား ၂၀၀၀ ကျော်ဖမ်းဆီးခံရ
Oct 11, 2024
Cover
သက်တမ်းကျော်လွန်နေထိုင်သူများကို ဗီဇာ လုံးဝ (လုံးဝ) ပြုလုပ်မပေးဟု ထိုင်းရှိ မြန်မာသံရုံးကြေညာ
Oct 10, 2024
Cover
မြန်မာ အလုပ်သမား ၃၀၀ နီးပါး MOU စာချုပ် ချိုးဖောက်ခံရ
Sep 30, 2024
Cover
ထိုင်းနိုင်ငံမှာ ပြစ်ဒဏ်ကျခံပြီးတဲ့ မြန်မာအလုပ်သမား ၁၂၀ ကျော်ကို မြန်မာဘက်သို့ ပြန်ပို့
Sep 27, 2024
Cover
လုပ်ငန်းခွင်မတော်တဆမှုကြောင့် မြန်မာ အလုပ်သမား ၃ ဦး  မျက်လုံးကွယ်ခဲ့ရပြီး စက်ရုံက နစ်နာကြေးမပေးဟုဆို
Sep 25, 2024