၂၀၂၅ ခုနှစ်ရဲ့ပထမလ မှာပဲ မြန်မာအလုပ်သမားဇနီးမောင်နှံ ဟာ ထိုင်းထီ အမြင့်ဆုံး ဘတ်၆သန်းဆု ပေါက်ကာ ရရှိခဲ့တယ်လို့ ကိုရဲမင်းဦးဆောင်တဲ့ M.H.A.C မဟာမိတ်အဖွဲ့ ထံ မှ သိရပါတယ်။
ထိုင်းနိုင်ငံ၊ စမွတ်ပရာကန်ခရိုင်၊ ဖရပဒဲင်မြို့နယ်က စက်ရုံတစ်ခုမှာ အလုပ်လုပ်ကိုင်နေတဲ့ မြန်မာအလုပ်သမား ဇနီးမောင်နှံနှစ်ဦးဟာပြီးခဲ့တဲ့ ဖေဖော်ဝါရီလ ၁ ရက် က ဖွင့်လှစ်ခဲ့တဲ့ ထိုင်းအစိုးရထီဖွင့်ပွဲမှာ ၅၅၈၇၀၀ ဂဏန်းနဲ့ ဘတ် ၆ သန်းဆု ပေါက်ခဲ့တာဖြစ်တယ်လို့ဆိုပါတယ်။
ထီဆု ငွေ ထုတ်ဖို့ အတွက် မြန်မာအလုပ်သမား ဇနီးမောင်နှံနှစ်ဦး မှ ထိုင်းရောက်မြန်မာလုပ်သားအရေးကူညီဆောင်ရွက်ပေးနေတဲ့ M.H.A.C မဟာမိတ် ကိုရဲမင်းအဖွဲ့ကို ဆက်သွယ်အကူအညီတောင်းခံခဲ့တယ်လို့ သိရပါတယ်။
ဒါကြောင့် M.H.A.C မဟာမိတ် အဖွဲ့ အနေနဲ့ ဖေဖော်ဝါရီလ ၃ ရက်နေ့မှာ နေ့ချင်းပြီးဆုငွေထုတ်ယူပေးခဲ့ပြီး ကာယကံရှင် ဇနီးမောင်နှံနှစ်ဦးရဲ့ လက်ဝယ်ကို ပေးအပ် ခဲ့တယ်လို့ ဆိုပါတယ်။
ကိုရဲမင်းဦးဆောင်တဲ့ M.H.A.C မဟာမိတ်အဖွဲ့အနေ နဲ့ ထိုင်းအစိုးရရဲ့ ထီအမြင့်ဆုံး ဘတ် ၆ သန်းဆုပေါက် ခဲ့တဲ့ ထိုင်းရောက် မြန်မာအလုပ်သမားတွေကို ဆုငွေထုတ်ယူဖို့ အတွက် လိုက်ပါကူညီဆောင်ရွက် ပေးခဲ့တာ မှာ ယခု အကြိမ် အပါအဝင် ၅၆ဦး ရှိပြီ ဖြစ်တယ်လို့ MHAC မဟာမိတ်အဖွဲ့ ထံ မှသိရပါတယ်။
