ထိုင်းနိုင်ငံ ပါကျင်ပူလီမြို့နယ်ရှိ မြန်မာလုပ်သမား(၁၇)ဦးကို ပွဲစားဆိုသူက စမတ်ကြေးများနဲ့ ဘတ်စာရွက်စာတမ်းတွေ လိမ်လည်သွားတယ်လို့ ၎င်းအမှု ကို ကူညီပေးနေတဲ့ UFF-Labour အဖွဲ့ထံမှ သိရပါတယ်။
မြန်မာလုပ်သမား(၁၇)ဦးဟာ ပွဲစားထံ မှာ အလုပ်စမတ်ကြေး ဘတ် ၃၀၀၀၊ ၅၀၀၀၊ ၇၀၀၀ စသည်ဖြင့် အသီးသီးနဲ့ ပတ်စပို့စ် (passport)စာအုပ်များကိုလဲပေးထားတဲ့အပြင် ဝပ်ပါမစ် သက်တမ်းထိုးဖို့ငွေအကြေပေးထားသူများနဲ့ ဘတ်အသစ်တင်ထားသူများလဲ ပါဝင်တယ်လို့ သိရပါတယ်။
အခုလို ကုန်ကျငွေများနဲ့ စာရွက်စာတမ်းအထောက်အထားတွေ ပေးထားပေမယ့် ၎င်း ပွဲစားဟာ အလုပ်မရှာပေးနိုင်တဲ့ အပြင်အလုပ်သမားများရဲ့ စာအုပ်များ ဘတ်သစ်တင်ထားသူများ သက်တမ်းတိုးထားသူများရဲ့ စာရွက်စာတမ်းများကို မပေးသေးပဲ အမျိုးမျိုးအကြောင်းပြပြီး အချိန်ကြန့်ကြာနေတဲ့ အတွက် မြန်မာလုပ်သားတွေ မှာ အခက်ခဲတွေ ဖြစ်နေရတယ်လို့ ဆိုပါတယ်။
ဒါကြောင့် နစ်နာသူ အလုပ်သမားတွေဟာ မြန်မာအလုပ်သမား အရေး ကူညီပေးနေတဲ့ UFF-Labour အဖွဲ့ထံ တိုင်ကြားခဲ့တာကြောင့် မတ်လ ၂၂ရက် မှာ ၎င်းအဖွဲ့ မှ မဟာချိုင်တာဝန်ခံ ကိုမျိုးမင်းထွန်းနှင့်အတူအဖွဲ့သားများမှဦးဆောင်ပြီး သွားရောက်ဖြေရှင်းပေးခဲ့ရာ ပွဲစားဖြစ်သူက ပက်စပို့စ်စာအုပ်တစ်ချို့ကိုတော့ ပြန်လည်ပေးခဲ့ပြီး ကျန်တဲ့ကိစ္စတွေကိုတော့ နောက်တစ်ပတ် တနင်္ဂနွေနေ့သို့ ပြန်လည်ချိန်းဆိုလိုက်တယ်လို့ သိရပါတယ်။
