ထိုင်းနိုင်ငံ၊ ချာချင်ဆောင် ဆွယ်(၈) ရှိ ဆောက်လုပ်ရေး လုပ်ငန်းခွင်မှာ လုပ်ကိုင်နေတဲ့ မြန်မာ အလုပ်သမား၂၃ ဦး ကို အလုပ်ရှင် သူဌေး မှ လုပ်အားခ မပေးဘဲ အလုပ်ထုတ်မှု ဖြစ်ပေါ်ခဲ့တယ်လို့ ကူညီဆောင်ရွက်ပေးနေတဲ့ WAG အလုပ်သမား မဟာမိတ်အဖွဲ့ ထံ မှ သိရပါတယ်။ 

မြန်မာအလုပ်သမား အမျိုးသား ၁၇ ဦးနဲ့အမျိုးသမီး ၆ ဦးတို့ ဟာ CI စာအုပ်ကိုင်ဆောင်ထားသူတွေ ဖြစ်ပြီး ၎င်းဆောက်လုပ်ရေး လုပ်ငန်းခွင်မှာ လုပ်ကိုင်နေတာ ၈လ ကျော် ကြာပြီ ဖြစ်တယ်လို့ သိရပါတယ်။ 

ယခု ၂၀၂၅ခုနှစ် ဇန်နဝါရီ လ၁ရက်ကစပြီး ဖေဖေါ်ဝါရီလ ၄ရက်အထိ အလုပ်သမား တွေရရှိမယ့် လုပ်ခလစာ ကို မရှင်းပေးတော့ဘဲ ဖေဖေါ်ဝါရီ ၅ရက်နေ့မှာ အလုပ်မှအကြောင်းမဲ့  ထုတ်ပယ်တာ ခံလိုက်ရတယ်လို့ ဆိုပါတယ်။ 

အလုပ်သမားတစ်ဦး ကို အလုပ်ရှင်စီမှ ရရှိမယ့် လစာပမာဏ ဟာ ဘတ် ၁၃၀၀၀ ရှိပြီး အလုပ်သမား၂၃ဦး အတွက် စုစုပေါင်း ၂၉၉၀၀၀ ဘတ် ရှိတယ်လို့ ဆိုပါတယ်။ 

အခုလို လုပ်ခ မပေး ဘဲ အလုပ်မှ ထုတ်ပယ်ခံရတဲ့ အတွက် မြန်မာအလုပ်သမားတွေ မှာ စားဝတ်နေရေး

အခက်ခဲ ဖြစ်ပေါ် တဲ့ အတွက် WAG-အလုပ်သမားမဟာမိတ်အဖွဲ့ထံ အကူညီတောင်းခံခဲ့ပါတယ်။ 

WAG အလုပ်သမားမဟာမိတ်အဖွဲ့နဲ့ အတူ အလုပ်သမားတွေ က လုပ်ခလစာ ပြန်ရဖို့ အတွက်  နယ်‌မြေခံ ဆဝါဒိကန်ရုံး(အလုပ်သမားရုံး)သို့ ဖေဖေါ်ဝါရီ ၂၀ ရက်က သွားရောက်တိုင်ကြားခဲ့တယ်လို့ သိရပါတယ်။