ထိုင်းနိုင်ငံ စူရပ်ဌာနီပြည်နယ်မှာရှိတဲ့ Koh Phangan International Church စာသင်ကျောင်း ကို ဇန်နဝါရီ ၂၉ရက်နေ့က ထိုင်း လူဝင်မှုကြီးကြပ်ရေးအရာရှိဝင်စစ်ဆေးခဲ့ပြီး မြန်မာကျောင်းဆရာ၊ဆရာမ လေးဦး ကို ဖမ်းဆီးခဲ့တယ်လို့ ထိုင်းသတင်းတွေမှာဖေါ်ပြထားပါတယ်။
၎င်းကျောင်းမှာ မြန်မာကလေး ကျောင်းသား၊ကျောင်းသူ ၁၉၀ကျော် ရှိပြီး ကလေးမိဘ တွေ ဟာ Koh Phangan မှာ အလုပ်လုပ်နေတဲ့ မြန်မာ လုပ်သား တွေ ဖြစ်တယ်လို့ ဆိုပါတယ်။
အလုပ်လုပ်ချိန်မှာ သားသမီးတွေ ကို ပြုစုကြည့်ရှု ဖို့ အချိန်မရှိတာကြောင့် ၎င်းကျောင်းမှာ တစ်လ လျှင် ဘတ် ၃၀၀မှ ၅၀၀ ထိ ပေးပြီး ကျောင်းထားကျတာ ဖြစ်တယ်လို့ သတင်းမှာဖေါ်ပြထားပါတယ်။
၎င်းစာသင်ကျောင်းမှာ ခွင့်ပြုချက် မရှိဘဲ ဖွင့်ထားတဲ့ ကျောင်းဖြစ်ကာ ဆရာ၊ဆရာမ များ မှာလည်း အလုပ်ပါမစ် မရှိတဲ့ သူတွေ ဖြစ်တယ်လို့ ဆိုပါတယ်။
ဒါကြောင့် ပါဝင်နေသူတွေကို တရားမဝင်ကျောင်းဖွင့်ခြင်း၊ အလုပ်ပါမစ်မရှိပဲ အလုပ်ခိုးလုပ်ခြင်းတွေနဲ့ အရေးယူမယ်လို့ သတင်းမှာဖေါ်ပြထားပါတယ်။
ထိုင်း ရဲတွေက မြန်မာဖတ်စာအုပ် ၃၁အုပ် ကို သက်သေအဖြစ်ယူသွားပြီး သံသယရှိသူတွေကို Koh Phangan ရဲစခန်းကို ပို့ထားတယ်လို့ သိရပါတယ်။
Ref-Khaosod English
