ထိုင်းနိုင်ငံ စမွတ်ဆုန်ကရန်ခရိုင်၊ မဲခလောင်မြစ် အတွင်း လေးနာရီကြာ ရေထဲ မျောပါနေတဲ့ ထိုင်းအမျိုးသမီးတစ်ဦးကို မြန်မာလုပ်သားတစ်ဦးကကယ်တင်လိုက်တယ်လို့ ထိုင်းသတင်းဌာနတွေမှာဖေါ်ပြထားပါတယ်။
အောက်တိုဘာ ၁ရက် ည၁၀နာရီ လောက်က အသက်၅၂နှစ်အရွယ်ရှိ ထိုင်းအမျိုးသမီးဟာ မြစ်ကမ်းစပ်မှာ ပုလင်းခွံတွေကောက်နေရင်း ရေထဲမတော်တဆ ပြုတ်ကျသွားတာဖြစ်ပြီး နဂိုပြုတ်ကျတဲ့နေရာမှ ၃ကီလိုမီတာ အကွာအဝေး သို့မျောပါသွားကာ ရေထဲမှာ လေးနာရီ ကြာအောင်မျောနေခဲ့တာဖြစ်တယ်လို့ဆိုပါတယ်။
ရေထဲမျောပါသွားတဲ့ ထိုင်းအမျိုးသမီးဟာ မြစ်ထဲမှာ ငါးဖမ်းလှေများ စွာကိုအော်ဟစ်အကူညီတောင်းပေမယ့် လှေတွေမှာ အလွန်ကြီးတာကြောင့် ထိုင်းအမျိုးသမီးရဲ့ အကူညီတောင်းသံကို မကြားဘူးလို့ သိရပါတယ်။
ထို့နောက် မြန်မာလူမျိုး အလုပ်လုပ်တဲ့ နေရာနားက ငါးဖမ်းလှေနားအရောက် လှေ မှ ကြိုးကို စွဲထားရင်းနဲ့ အော်ဟစ် အကူအညီတောင်းခဲ့ရာမှ မြန်မာလုပ်သားက တွေ့ရှိပြီး ကမ်းပေါ်သို့ဆွဲတင်ပေးခဲ့တယ်လို့ သိရပါတယ်။
""မြန်မာအမျိုးသား လုပ်သား သော်ဒီ (THODEE ) ကလည်း သူ မြစ်ကမ်းမှာ အလုပ်လုပ်နေရင်း အော်ဟစ် အကူညီ
တောင်းသံကြားတော့ ပထမတော့ သရဲခြောက်နေတာထင်နေပေမယ့် နောက်တော့မှ သေချာစစ်ဆေးလိုက်တော့ ငါးဖမ်းလှေတစ်ခုရဲ့ ကြိုးကိုဆုပ်ကိုင်ရင်း အသက်ရှင်ဖို့ ကြိုးစားနေတဲ့ အဒေါ်ကြီးကိုတွေ့ကြောင်း သူ့သူငယ်ချင်းတွေကို အမြန်ခေါ်ပြီးဆွဲတင်ကာမျက်နှာသုတ်ပဝါပေးခဲ့တယ်လို့""ထိုင်းသတင်းမှာ ဖော်ပြထားပါတယ်။
အခုလို ထိုင်းအမျိုးသမီး ကို မြန်မာအလုပ်သမားအနေနဲ့ ကူညီကယ်တင်ပေးတာနဲ့ ပက်သက်ပြီး ထိုင်းလူမှုကွန်ယက် တွေမှာ မြန်မာလုပ်သားကို ချီးကျူးပြောဆိုတာတွေ တွေ့ရပါတယ်။
Ref-Khaosod English
