မလေးရှားနိူင်ငံ ဆလန်းကောပြည်နယ် တလုပ်ကုန်းရပ်ကွက် ရှိ ပလပ်စတစ် စက်ရုံ မှာ ဂတ်စ်အိုးပေါက်ကွဲ ပြီး မီးလောင်မှု ကြောင့် မြန်မာအလုပ်သမား တစ်ဦးသေဆုံးခဲ့တယ်လို့ မြန်မာလူမူကူညီရေးအသင်း (မလေးရှား)အသင်း မှ သိရပါတယ်။
ဖေဖေါ်ဝါရီ ၁၇ရက် က မြန်မာအလုပ်သမား ကိုထက်လင်းရှိန်း မှာ စက်ရုံ အတွင်း အလုပ်လုပ်နေစဉ် ရုတ်တစ်ရက် ဂတ်စ်အိုးပေါက်ကွဲမီးလောင်မှုဖြစ်ခဲ့ ရာ ဒဏ်ရာများရရှိခဲ့သဖြင့် ဆေးရုံ ကို ပို့ဆောင်ပေးခဲ့ပေမယ့်ဒဏ်ရာ အခြေနေ ပြင်းထန်တဲ့ အတွက် ဆေးရုံ အရောက် မှာတင်ကွယ်လွန်ခဲ့တယ်လို့ ဆိုပါတယ်။
ကွယ်လွန်ခဲ့တဲ့ မြန်မာအလုပ်သမား ဟာ အသက်၃၀ သာရှိသေးပြီး ဧရာဝတီတိုင်း ပန်းတနော်မြို့နယ် ဂုံမင်းအရှေ့ကွင်းကျေးရွာ ကနေ မလေးရှား နိုင်ငံ ကို လာရောက် အလုပ် လုပ်သူ ဖြစ်တယ်လို့ သိရပါတယ်။
ကျန်ရစ် တဲ့ ခန္ဓာကိုယ်ကိုဖေဖေါ်ဝါရီ ၂၅ရက် နေ့က မလေးရှားနိူင်ငံ ဆလန်းကောပြည်နယ် ကလန်းမြို့ဆေးရုံကြီး အအေးခန်းမှသယ်ဆောင်ပြီး ဆလန်းကောပြည်နယ် ကလန်းမြို့ ဟိန္ဒိူသုသန် မှာ နံနက်၁၂နာရီခွဲ တွင်သဂြိုလ်ပေးခဲ့တယ်လို့ သိရပါတယ်။
