မလေးရှား နိုင်ငံ ဂျိုဟိုးပြည်နယ်ရှိ လျှပ်စစ်ပစ္စည်း ထုတ်လုပ်တဲ့စက်ရုံ ၂ ရုံကို ဩဂုတ်လ ၈ရက်နေ့က မလေးရှား အာဏာပိုင်တွေ ဝင်ရောက်စစ်ဆေးရာ အထောက်အထားမပြည့်စုံတဲ့ မြန်မာအလုပ်သမားအမျိုးသမီး ၆၈ ဦး အဖမ်းခံရတယ်လို့ မလေးရှားသတင်းဌာနများရဲ့ ဖေါ်ပြချက်အရ သိရပါတယ်။
ပတ်ဝန်းကျင်ရဲ့ တိုင်ကြားမှုကြောင့် မလေးရှားအာဏာပိုင်တွေက ယင်းစက်ရုံ နှစ်ရုံကို ဝင်ရောက်စစ်ဆေးရာမှ အလုပ်သမားပေါင်း ၁၈၇ ဦး ကို စစ်ဆေးရာတွငအထောက်အထားမပြည့်စုံသူ ၇၉ ဦး ကို ဖမ်းဆီးထိန်းသိမ်းခဲ့တယ်လို့ဆိုပါတယ်။
ဖမ်းဆီးရမိသူတွေထဲမှာ မြန်မာအမျိုးသမီး ၆၈ ဦး၊ တရုတ်နိုင်ငံသား အမျိုးသား ၆ ဦး၊ တရုတ် အမျိုးသမီး ၂ ဦး၊ နီပေါ အမျိုးသား ၁ ဦး၊ အင်ဒိုနီးရှား အမျိုးသမီး ၁ ဦး နဲ့ စက်ရုံမန်နေဂျာ ဖြစ်သူ အသက် ၄၃ နှစ်အရွယ် ဒေသခံအမျိုးသားတစ်ဦးကိုလည်း ဖမ်းဆီးခဲ့တယ်လို့ သိရပါတယ်။
မလေးရှားနိုင်ငံ မှာ ယခုလိုမျိုး အထောက်အထားမပြည့်စုံတဲ့ နိုင်ငံခြားသား အလုပ်သမားတွေ ကို စီမံချက်နဲ့ ဖမ်းဆီးတာတွေ မကြာခဏ လုပ်ဆောင်လျက်ရှိသလို ပတ်ဝန်းကျင်တိုင်ကြားမှုကြောင့် လဲ ဝင်ရောက်စစ်ဆေး ဖမ်းဆီးတာတွေ ရှိတဲ့ အတွက် မလေးရောက် မြန်မာအလုပ်သမားတွေ အနေနဲ့ အထူးသတိပြု နေထိုင်ဖို့ မြန်မာအလုပ်သမားအရေးဆောင်ရွက်သူတွေက မကြာခဏအသိပေးပြောကြားပေးနေရတယ်လို့ သိရပါတယ်။
