နိုဝင်ဘာ ၁၅ ရက် က မနက်၁၁နာရီခွဲလောက်မှာကန်ချနဘူရီ လူဝင်မှုကြီးကြပ်ရေး အဖွဲ့ဟာ နံပါတ်ပြား အလိုအလျောက်စစ်ဆေးတဲ့စနစ်ကနေ သတင်းပေးလာတဲ့ သံသယရှိဖွယ်ကားတစ်စီးကို မြန်မာလုပ်သားတွေ နေတဲ့ အခန်းရှေ့မှာ တွေ့ရှိတဲ့ အတွက် ဝင်ရောက်စစ်ဆေးရာ ကနေ အဖမ်းခံရတာ ဖြစ်ပါတယ်။

 

ကားသမား ဝရဖန်ကို စစ်ဆေးရာ လိကျားဘုရားကျောင်းနားက တောထဲမှ သွားကြိုခဲ့ပြီး ကားခ အတွက် တစ်ယောက်ကို ဘတ် ၁,၂၀၀ ရကြောင်း၊ မြန်မာ အလုပ်သမားတွေကို ဆမွတ်စခွန်သို့ မပို့ခင် ခဏတဖြုတ်ထားဖို့အတွက် အခန်း ၂ ခန်း ငှားထားတာဖြစ်ပြီး အခန်းတစ်ခန်းတွင် မြန်မာအလုပ်သမားတွေကို ထားရှိကာ တစ်ခန်းကိုတော့ သူ့နေအိမ်အဖြစ်အသုံးပြုတယ်လို့ သိရပါတယ်။

 

အခန်းထဲတွင် မြန်မာအလုပ်သမား အမျိုးသား ၁၆ ယောက်၊ အမျိုးသမီး ၁၁ ယောက်နဲ့ ကလေးမလေး ၂ ယောက် တွေ့ရှိရပြီး အထောက်ထားစာရွက်စာတမ်းများ မတွေ့ရှိ ဘူး လို့ သိရပါတယ်။

 

မြန်မာလုပ်သမားတွေရဲ့ ထွက်ဆိုချက်အရ ၎င်းတို့ဟာ မလေးရှားနိုင်ငံမှာ အလုပ်သွားလုပ်ဖို့ အတွက် စံခလပူရီ မြို့နယ်ကနေတစ်ဆင့် ခိုးဝင်လာခဲ့တာဖြစ်ပြီး ပွဲစားကို တစ်ယောက် လျှင် ဘတ် ၅၅,၀၀၀ ကနေ ၆၅,၀၀၀ အထိ ပေးခဲ့ရတယ်လို့ သိရပါတယ်။

ဖမ်းခံရသူတွေ ကို ကန်ချနဘူရီ ရှိ မြို့မရဲစခန်း သို့ ပို့ဆောင် ထားပြီးဥပဒေအရ ဆက်လက်အရေးယူသွားမှာ ဖြစ်ကြောင်း သိရပါတယ်။

 

Ref-โจโฉ