မလေးရှားနိုင်ငံမှာ အလုပ်လုပ်ကိုင်ရန် သွားရောက်တဲ့ အထောက်အထားမဲ့ မြန်မာရွှေ့ပြောင်းလုပ်သား၉၀ဦးကို ထိုင်းနိုင်ငံ ကချနဘူရီခရိုင်မှာ ဖမ်းမိခဲ့တယ်လို့ ထိုင်းသတင်းတွေအရသိရပါတယ်။
စက်တင်ဘာ ၃၀ ရက်မနက်၁နာရီခန့်မှာ ကချနဘူရီလူဝင်မှုကြီးကြပ်ရေး ရဲတပ်ဖွဲ့ထံ မော်တော်ယာဉ်လေးစီးဖြင့်ရွှေ့ပြောင်းလုပ်သား များကို ခေါ်ဆောင်လာကြောင်း သတင်းရရှိတဲ့ အတွက် လမ်းတွင် ကြိုတင်စောင့်ဆိုင်းစစ်ဆေးရာ မသင်္ကာစရာ ယာဥ် ၄ စီး ကို စစ်ဆေးတွေ့ရှိသဖြင့် ရှေ့နောက်ပိတ်ဆို့ဖမ်းဆီးရန်ကြိုးပမ်းခဲ့ ပေမယ့် ယာဉ်တွေက အရှိန်ပြင်းပြင်းနဲ့ မောင်းနှင်ထွက်ပြေးခဲ့တယ်လို့ ဆိုပါတယ်။
နောက်ဆုံးမှာ အာဏာပိုင်တွေက လိုက်လံဖမ်းဆီးတဲ့အတွက် ယာဉ်လေးစီးမှ ယာဉ်မောင်း၂ဦးနဲ့ မြန်မာရွှေ့ပြောင်းလုပ်သား၉၀ဦးကို ဖမ်းဆီးခဲ့ ပြီး ယာဉ်မောင်း၂ဦးကတော့ လွတ်မြောက်သွားတယ်လို့ သတင်းမှာဖေါ်ပြထားပါတယ်။
မြန်မာအလုပ်သမား၉၀ဦးကို စကားပြန်ကတစ်ဆင့်မေးမြန်းရာမှာ မြန်မာနိုင်ငံရှိ ဒေသအစုံမှ လာရောက်ခဲ့ကျပြီး စွန်ခလာဘူရီခရိုင် သဘာ၀လမ်းကြောင်းကတစ်ဆင့်ထိုင်းနိုင်ငံသို့ တရားမဝင် ဝင်ရောက်ခဲ့ကာ ရေလမ်းကြောင်းကိုလှေဖြင့် လာခဲ့ပြီးနောက် ယခုကားဖြင့် စီးနင်းခဲ့တာဖြစ်တယ်လိူ့ဆိုပါတယ်။
၎င်းတို့ဟာ ချောင်ဘူရီခရိုင် မှာ အလုပ်လုပ်ရန် ရည်ရွယ်ထားပေမယ့် အများစုမှာ ထိုင်းတောင်ပိုင်းမှတစ်ဆင့် မလေးရှားနိုင်ငံ သို့ သွားရောက်ဖို့ ရည်ရွယ်ထားကာ ပွဲစားခအဖြစ် ခရီးအကွာအဝေးအလိုက်တစ်ဦးကို ဘတ် ၃၀၀၀၀ မှ၆၀၀၀၀ ပေးရတယ်လို့
သတင်းမှာဖေါ်ပြထားပါတယ်။ ဖမ်းမိခံရတဲ့ မြန်မာလုပ်သား ၉၀ဦး ကို တရားမဝင် ဝင်ရောက်မှုဖြင့် တရားစွဲဆိုကာအရေးယူသွားမယ်လို့ သိရပါတယ်။
ယခုစက်တင်ဘာ လအတွင်း ထိုင်းနိုင်ငံသို့ တရားမဝင် နယ်စပ်ဖြတ်ကျော်ဝင်ရောက်လို့ အဖမ်းခံရတဲ့ မြန်မာရွှေ့ပြောင်းလုပ်သား ဦးရေ ၁၀၀၀ ခန့် ရှိပြီဖြစ်တယ်လို့ ဖမ်းဆီးသတင်းတွေအရ သိရပါတယ်။
Ref-โจโฉ
