မလေးရှားနိုင်ငံမှာ အထောက်အထားမဲ့ နေထိုင်ခြင်းအပါအဝင် အကြောင်းအမျိုးမျိုးနဲ့ပြစ်ဒဏ်ကျခံပြီးတဲ့ မြန်မာရွှေ့ပြောင်းလုပ်သား၆၂ဦးကို မြန်မာနိုင်ငံသို့ ပြန်လည်ပို့ဆောင်ခဲ့ကြောင်းမလေးရှားလူဝင်မူကြီးကြပ်ရေးကထုတ်ပြန်ထားပါတယ်။
အောက်တိုဘာ၂၁ရက်က မလေးရှားနိုင်ငံ၊ ဂျုဟိုးဘာရူး ပီကန်နာနာ့စ်လူဝင်မူကြီးကြပ်ရေးကန့်မှ မြန်မာအပါအဝင် နိုင်ငံခြားသား ၁၄၉ဦးကို မိခင်နိုင်ငံတွေ ကို ပြန်ပို့ခဲ့တယ်လို့ ထုတ်ပြန်ထားပါတယ်။
ပြန်ပို့ခံရတဲ့ နိုင်ငံခြားသား တွေ ထဲ မှာ အင်ဒိုနီးရှား နိုင်ငံသား ၇၁ ဦး၊ မြန်မာနိုင်ငံသား ၆၂ ဦး၊ကိုးရီးယားနိုင်ငံသား ၅ဦး၊တရုတ်နိုင်ငံသား ၄ဦး၊စင်္ကာပူနိုင်ငံသား ၃ဦး၊ဗီယက်နမ်နိုင်ငံသား ၂ဦးနဲ့ သီရိလင်္ကာနိုင်ငံသား ၂ဦးပါဝင်တယ်လို့ သိရပါတယ်။
နေရပ်ပြန်လည်ပို့ဆောင်ခံရသူတွေကို မလေးရှား လူဝင်မူကြီးကြပ်ရေးဌာနမှာ အမည်ပျက်စာရင်းသွင်းထားပြီး ၅ နှစ်အတွင်း မလေးရှားနိုင်ငံသို့ဝင်ရောက်ခွင့်ရရှိမှာ မဟုတ်ဘူးလို့ ထုတ်ပြန်ချက်မှာ ဖော်ပြထားပါတယ်။
မလေးရှား နိုင်ငံ အတွင်း အထောက်အထားမပြည့်စုံဘဲ ဝင်ရောက်နေထိုင် အလုပ်လုပ်ကိုင်တဲ့ နိုင်ငံခြားသားတွေ ကို အဖမ်းဆီးတွေ နေ့စဉ် ပြုလုပ်နေပြီး ပြစ်ဒဏ်ကျခံပြီးပါက မိခင် နိုင်ငံ ကို ပြန်လည် လွှဲပို့ပေးလျက်ရှိရာ အဖမ်းခံရတဲ့ မြန်မာနိုင်ငံသားတွေကို လည်း လစဉ် ပြန်ပို့ တာတွေရှိကြောင်းသိရပါတယ်။
