မလေးရှားနိုင်ငံကို အထောက်အထားမဲ့ သွားရောက် ဖို့ ပွဲစားခ ဘတ် ၂၅၀၀၀ အထိ ပေးရတဲ့ မြန်မာ လုပ်သား ၁၉ ဦးဟာ ထိုင်းနိုင်ငံ ကန်ချနဘူရီခရိုင် အတွင်းမှာ အဖမ်းခံရတယ်လို့ ထိုင်းဒေသတွင်း သတင်းတွေအရ သိရပါတယ်။
မြန်မာ-ထိုင်းနယ်စပ်ကနေတစ်ဆင့် ထိုင်းနိုင်ငံ အတွင်း ဝင်ရောက်လာတဲ့ မြန်မာ ရွှေ့ပြောင်း လုပ်သား ၁၉ ဦးဟာ မတ် ၁၈ ရက် မှာ ကန်ချနဘူရီခရိုင် ရှိ ဝမ်ကကျေးရွာအနီး ရန်တီမြစ် ကို စက်လှေနဲ့ ဖြတ်သန်းရာမှ မြစ်လယ်ရှိ ထိုင်းရေကင်းလှည့်တပ်ဖွဲ့ က ဖမ်းမိခဲ့တာ ဖြစ်တယ်လို့ သိရပါတယ်။
၎င်း စက်လှေ ကို ထိုင်းနိုင်ငံသား၂ဦးက မောင်းနှင်ခဲ့ပြီး စက်လှေ အတွင်း အနက်ရောင် အစနဲ့ မြန်မာအလုပ်သမားတွေကို ဖုံး အုပ်ပြီး တင်ဆောင်လာတယ်လို့ ဆိုပါတယ်။
အဖမ်းခံရတဲ့ မြန်မာအလုပ်သမား ၁၉ ဦးထဲမှာ ကလေးငယ်တစ်ဦးလည်းပါဝင် ပြီး ပွဲစား တွေ က ကုန်းကြောင်း၊ ရေကြောင်း တို့နဲ့ အဆင့်ဆင့် ခေါ်ယူခဲ့ကာ ထိုင်းနိုင်ငံကတဆင့် မလေးရှားနိုင်ငံကို သွားရောက်မှာဖြစ်ပြီး အလုပ်သမားတစ်ဦး ကို ထိုင်းဘတ်ငွေ ၁၅၀၀၀ မှ ၂၅၀၀၀ ( မြန်မာငွေ၃၂ သိန်း ဝန်းကျင်) အထိ ပေးရတယ်လို့ အဖမ်းခံရတဲ့ မြန်မာအလုပ်သမားတွေက ထွက်ဆိုထားပါတယ်။
ယခု ဖမ်းမိတဲ့ မြန်မာအလုပ်သမား တွေ ကို Sangkhlaburi ရဲစခန်း သို့ ခေါ်ဆောင်သွားပြီး ဥပဒေအရ အရေးယူဆောင်ရွက်သွားမယ်လို့ သိရပါတယ်။
Ref-kanchanaburi News
