NEWS

မလေးရောက် မြန်မာလုပ်သားများ အဖမ်းစီးနည်းသည့် လုပ်ငန်းများအား ရွေးချယ် အလုပ် လုပ်

CoverLogo
59 Views
 
မလေးရှားနိင်ငံ ရောက် အထောက်အထားမဲ့ မြန်မာအလုပ်သမားတွေ လစာရငွေ ရရှိတာထက် အဖမ်းဆီးနည်းတဲ့ အလုပ်နေရာတွေကိုပဲ အဓိက ရွေးချယ် လုပ်ကိုင် နေကြတယ်လို့ သိရပါတယ်။ အထောက်အထားမဲ့ နိုင်ငံခြားသား လုပ်သားတွေကို စစ်ဆေးဖမ်းဆီးတာတွေ မလေးရှား အစိုးရ အနေနဲ့ နေ့စဉ် ပြုလုပ်နေလို့ အထောက်ထားမပြည့်စုံတဲ့ မြန်မာအလုပ်သမားတွေ ဖမ်းဆီးခံရမှု တွေ ရှိနေပါတယ်။
 
"အခုက လုပ်ငန်းကျွမ်းကျင်တဲ့ အိုသမားတွေက လစာ ကောင်းတာထက် အဖမ်းဆီးနည်းတဲ့ နေရာ က အလုပ်ကို ရှာကြတယ်။ ဒီအလုပ်မှာ တစ်လ ၁၅၀၀ရင်းဂစ် ပေးတယ်ဆို တခြားနေရာ က ၁၂၀၀ရင်းဂစ် ပေးတယ်၊ လစာပေးတာနည်းတယ်ဆိုပေမယ့် နေရာက လုံခြုံတယ် ဆိုရင် သည်းခံပြီး လုပ်ကြတာပဲ။ ရသလောက် ကို သေချာ စိစစ်သုံးစွဲပြီး မြန်မာပြည်လည်း ပြန်ပို ရတယ်""လို မလေးရောက် မြန်မာလုပ်သားတစ်ဦးကပြောပါတယ်။
 
မြန်မာအလုပ်သမားတွေ ဟာ နိုင်ငံခြားသားလုပ်သား အများစု နေထိုင်ရာ နေရာတွေ၊ လုပ်ငန်းတွေနဲ့ မကြာခဏ အဖမ်းဆီးများတဲ့ နေရာတွေ အလုပ်တွေကို ရှောင်လာကြတာလို့ ပြောပါတယ်။ ဒါ့အပြင် အဖမ်းအဆီး များတဲ့အတွက် အထောက်အထားမဲ့ မြန်မာလုပ်သားတွေ လုပ်ငန်း ခွင် ကို ပုံမှန် မဝင်ရောက် နိုင်တာတွေ လည်းရှိတယ်လို သိရပါတယ်။
 
" ကိုယ်အလုပ်သွားမယ့်နေရာမှာ အဖမ်းဆီးတွေ လုပ်နေရင် အဲ့နေ့ အလုပ် မသွားရဘူး။ လုပ်အားခ မရဘူး။ တချိုလတွေ ဆို အလုပ်ဆင်းရက် ၁၀ရက်လောက်ပဲ ရှိတယ် ။ အဖမ်းဆီး ကြောက်လို မသွားရတာ။ အခုလို ခက်ခဲပေမယ့် ကိုယ့်နိုင်ငံ မငြိမ်းချမ်းတော့ ပြန်မရဘူး။ တကယ်လို ဖမ်းမိရင် လည်း ပြည်တွင်း ပြန်ပိုခံရမယ်။ ပြီးရင် စစ်မှုထမ်းဖို အတင်းအဓမ္မ လုပ်ခိုင်းမှာဆိုတော့ ဒီမှာ ရသလောက်နဲ့ အဆင်ပြေအောင် နေကျရတာပဲ''လို မလေးရှားရောက် မြန်မာလုပ်သား တစ်ဦးက ပြောပါတယ်။
 
တရားဝင် လာရောက် လုပ်ကိုင်တဲ့ မြန်မာလုပ်သားတွေ အနေနဲ့ မလေးရှားအစိုးရက သတ်မှတ်ထားတဲ့ အနည်းဆုံးလစာ တစ်ရက် ၈နာရီ အတွက် လစာ ရင်းဂစ် ၁၅၀၀ ရရှိကျပြီး လုပ်ငန်းကျွမ်းကျင်မှု အရ လစာ ပိုရတာတွေလည်း သိရပါတယ်။

Related posts

Cover
အချက်အလက်မစုံလျင် OWIC ကတ် ပြုလုပ်ခွင့် စာရင်းမသွင်းပေးဟုဆိုလာ
May 03, 2025
Cover
ထိုင်းကို အထောက်အထားမဲ့ ဝင်ရောက်သည့်   မြန်မာအလုပ်သမား ၃၀ ကျော် အဖမ်းခံရ
May 03, 2025
Cover
စာချုပ်ချုပ်ထားပြီးတဲ့ လုပ်သား ၁၀၀၀၀ ခန့်ပြည်ပထွက်ခွင့် ရရေးမျှော်လင့်
May 03, 2025
Cover
ပြည်ပလုပ်သားစေလွှတ်ရေး ကန့်သက်ချက် အခက်အခဲများအား အေဂျင်စီများ ဝန်ကြီးဌာနသို့ တင်ပြမည်
May 02, 2025
Cover
နိုင်ငံကူးလက်မှတ် အတွက် QR Code မေလ ၁ရက်တွင် ပြန်ဖွင့်မည်
Apr 27, 2025
Cover
မြန်မာလုပ်သားများ တင်ဆောင်လာသည့် မော်တော်ယာဉ် မြစ်ထဲ ထိုးကျ၊ ယာဉ်မောင်း လွတ်မြောက်
Apr 26, 2025
Cover
OWIC ကတ် ကြန့်ကြာမှု ပြည်ပ ခွင့်ပြန် အလုပ်သမားများ ဆုံးရှုံးနစ်နာမှုများပြား
Apr 24, 2025
Cover
နိုင်ငံကူးလက်မှတ် QR Code တစ်လခန့်ကြာသည်အထိ တင်မရသေး
Apr 24, 2025