မတ်လ ပထမ ၁၀ ရက်အတွင်း တိုင်းဒေသကြီးနဲ့ ပြည်နယ် တွေ မှာ နေ့အပူချိန် ၄၀°C အထက် ထိ မြင့်တက်လာနိုင် လို့ သက်ကြီး ပိုင်းနဲ့ ကလေးငယ်တွေ သတိထားနေထိုင်ဖို့ သတိပေးတာတွေ ရှိနေပါတယ်။
METEOBLUE ကြိုတင်ခန့်မှန်း model များမှ အချက်အလက်များက တော့ - မတ်လ ပထမ ၁၀ ရက်အတွင်း မကွေးတိုင်း၊ နေပြည်တော်၊ ပဲခူးတိုင်း၊ ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့ မှာ နေ့အပူချိန် တွေ ဟာ ၄၀°C အထက်အထိ မြင့်တက်လာနိုင်ကြောင်း တိုင်းတာတွေ့ရှိတယ်လို့ မိုးလေ၀သ လေ့လာစောင့်ကြည့်သူ ဦး၀င်းနိုင်က သတိပေးထုတ်ပြန်ပါတယ်။
လာနီညာကြောင့်အပူချိန်မြင့်တက်မှု ဟာ ၂၀၂၄ ခုနှစ်(အယ်လိနီညိုနှစ်)ထက် လျော့နည်းပေမယ့် မတ်လအတွင်း စိုထိုင်းဆမြင့်တက်နေတဲ့ ဒေသ တွေ မှာ ခံစားရ တဲ့ အပူချိန် (Temperature Felt) ဟာ ၄၀°C အထက်အထိ မြင့်တက်နေမယ်လို့ ဆိုပါတယ်။
ဒီအခြေအနေကြောင့် နေ့လည်နေ့ခင်းအချိန် တွေ မှာ နေရောင်ခြည်တိုက်ရိုက်ထိတွေ့ တဲ့ နေရာ တွေ မှာ အလုပ်လုပ်ကြရသူတွေ ၊ သက်ကြီးပိုင်းတွေ နဲ့ ကလေးငယ် တွေ မှာ ရေဓါတ်ဆုံးရှုံးမှုတွေ များပြီး အပူလျှပ်ခြင်း(Heat-stroke)ကို ခံစားရနိုင် တဲ့ အတွက် သတိထား ကြဖို့ အသိပေးထားပါတယ်။
အားအနည်းငယ်ရှိသော လာနီညာ ရာသီဥတုဟာ အခြေအနေမှ ပုံမှန် ရာသီဥတုအခြေအနေသို့ ကူးပြောင်းခဲ့ပြီး အဆိုပါ ပုံမှန် ရာသီဥတုအခြေအနေသည် လာမည့် ၂၀၂၅ ခုနှစ်၊ မတ်လ၊ ဧပြီလ၊ မေလနှင့် ဇွန်လတို့တွင် ဆက်လက် တည်ရှိနိုင်တယ်လို့ မိုးလေဝသ ရန်ကုန်ဌာနခွဲကလည်း ထုတ်ပြန်ထားပါတယ်။
