ထိုင်းနိုင်ငံ ဘန်ကောက်မြို့ ဘန်နားဒေသရှိ ဆောက်လုပ်ရေး လုပ်ငန်းခွင်တစ်ခုတွင် မြေပြိုကျမှုဖြစ်ပွားကာ မြန်မာလုပ်သားတစ်ဦး သေဆုံးခဲ့တယ်လို့ ထိုင်းသတင်းတွေအရသိရပါတယ်။
ဖေဖေါ်ဝါရီ ၄ရက် ညပိုင်းက မြေအောက်လျှပ်စစ် ကြိုးမြောင်းတူးဖော်ရေး လုပ်ငန်းမှာ တွင်းအတွင်း ၈မီတာမှ ၁၀မီတာ ခန့်အထိ တူးဖေါ်နေပြီး ၁၄မှ၁၅မီတာခန့်အထိ တူးဖော်ရန် ကြိုးစားနေစဉ်မှာ ဘေးနှစ်ဖက် မှ မြေသားများ ပြိုကျလာပြီး မြန်မာအလုပ်သမားအပေါ်ပိမိကာ ရွှံ့နွံများပြည့်နှက်နေတဲ့ တွင်းနက်ခြေရင်းမှာ ပိတ်မိ သေဆုံးသွားခဲ့ခြင်းဖြစ်တယ်လို့ သတင်းမှာဖေါ်ပြထားပါတယ်။
သေဆုံးသူ မြန်မာလုပ်သားဟာ အသက်၃၀မှ၃၅နှစ် အတွင်းရှိသူ ဖြစ်ပြီး မြေပြိုကျမှု ဖြစ်ဖြစ်ချင်းမှာဘဲ အခြားအလုပ်သမားတွေက ဝိုင်းဝန်းကယ်ထုတ်ဖို့ ကူညီ ကြိုးပမ်းခဲ့ပေမယ့် မြေသားများပိကာ သတိလစ်သွားသလို မြေသားအများပြားပိမိနေတာကြောင့် ကယ်ထုတ်လို့မရ ဖြစ်ခဲ့ပြီး ကယ်ဆယ်ရေး တွေလာ မှ ခက်ခဲ စွာ ကယ်ထုတ်ခဲ့ရတယ်လို့ သိရပါတယ်။
လက်ရှိမှာတော့ သေဆုံးသူရဲ့ ရုပ်အလောင်းကိက ချုလာလောင်ကွန်းဆေးရုံ ကိုပို့ဆောင်ထား ပြီး အခု ဖြစ်စဉ်မှာ တာဝန်ရှိတဲ့ ဆောက်လုပ်ရေးလုပ်ငန်းခွင်ကြီးကြပ်ရေးမှုးနဲ့ အခင်းဖြစ်ပွားစဉ်ရှိခဲ့တဲ့ လုပ်သား တွေကို အာဏာပိုင်တွေက ထပ်မံစစ်ဆေးမေးမြန်းတာတွေ လုပ်ဆောင်လျက်ရှိတယ်လို့သိရပါတယ်။
Ref- The Nation
