ထိုင်းနိုင်ငံ ဖူးခက်ခရိုင် ကထူးမြို့နယ် မှာ အမှိုက်အိပ်တွေ သယ်ဆောင်လာတဲ့ ကားပေါ်မှ မြန်မာအလုပ်သမားတစ်ဦး ပြုတ်ကျကာ သေဆုံးသွားတယ်လို့ ထိုင်းသတင်းတွေရဲ့ဖေါ်ပြချက်အရသိရပါတယ်။
အောက်တ်ိုဘာ၂၈ရက်က နေ့လည်ပိုင်းက ဖြစ်ပွားခဲ့တာဖြစ်ပြီး မြန်မာလုပ်သားအပါအဝင် ၃ဦးမှာ အမှိုက်အိပ်များကို ပြန်လည်အသုံးပြုနိုင်မယ့်(recycling)ဆိုင်ကို သယ်ယူရောင်းချဖို့ လာတာဖြစ်ကြောင်း သိရပါတယ်။
ယာဉ်မောင်းသူရဲ့ ပြောကြားချက်အရ ကားအနောက်ဘက်မှာရှိတဲ့ အမှိုက်အိပ်တွေ အပေါ်မှာ အသက်၂၈နှစ်အရွယ် မြန်မာအလုပ်သမား ကိုဝေလင်းကျော်နဲ့ နောက်ထပ်အလုပ်သမား တစ်ဦးတို့ ထိုင်လျက်လိုက်ပါလာခဲ့ရာ အမှိုက်အိပ်တစ်ခု မှာ ရွေ့လျားသွားချိန်တွင် ကိုဝေလင်းကျော်မှာ ဟန်ချက်ပျက်သွားပြီး ၄ မီတာခန့်ရှိ အမြင့်ပေါ်မှ ပြုတ်ကျခဲ့တာဖြစ်တယ်လို့ ဆိုပါတယ်။
ကားပေါ်မှ ပြုတ်ကျတဲ့ အရှိန်ကြောင့် ဦးခေါင်းတွင် ပြင်းထန်တဲ့ ဒဏ်ရာများ ရရှိကာ သတိလစ်သွားကြောင်း ကိုဝေလင်းကျော်ကို အရေးပေါ်ကယ်ဆယ်ရေးအဖွဲ့က CPR ပြုလုပ်ပေးပြီး စီရီရတ်ဆေးရုံသို့ ပို့ဆောင်ပေးခဲ့ပေမယ့် ဒဏ်ရာပြင်းထန်တဲ့အတွက်သေဆုံးသွားခဲ့တယ်လို့သတင်းမှာဖေါ်ပြထားပါတယ်။
ထိုင်းရဲအရာရှိတွေကအလုပ်သမားတွေ အနေနဲ့ အမိုးဖွင့်ကားတွေအပေါ် ခရီးသွားလာပါက ဂရုစိုက်ရန် ပစ္စည်းသယ်ယူပို့ဆောင်ရာတွင် လုံခြုံရေးအန္တရာယ်ကို သတိပြု၍ ယာဉ်မောင်းနေစဉ် မလုံခြုံတဲ့ ကုန်ပစ္စည်းတွေ အပေါ် ထိုင်ခြင်းကို ရှောင်ကြဉ်ကျဖို့ သတိပေး နှိုးဆော်ထားပါတယ်။
ယခု အခင်းဖြစ်ပွားမှုနှင့် ပတ်သက်ပြီး ရဲတပ်ဖွဲ့က စုံစမ်းစစ်ဆေးနေဆဲဖြစ်ကာ အမှုနှင့် ပတ်သက်တာတွေ ဆက်လက်မေးမြန်းသွားမှာဖြစ်တယ်လို့ သတင်းမှာဖော်ပြထားပါတယ်။
Ref: Phuket News
