ထိုင်းနိုင်ငံ ဘန်ကောက်မြို့ စမူပကန် ကျက်လစင် က MINISO (တံဆိပ်ကပ်စက်ရုံ)မှာ အလုပ်လုပ် နေတဲ့ မြန်မာအလုပ်သမား ၁၀ဦး ရဲ့ လုပ်ခလစာ ကို ပွဲစားက ယူသွားတဲ့အပြင် အလုပ်ကပါထုတ်ခံရတဲ့ အတွက် အခက်ခဲဒုက္ခရောက်ရှိနေတယ်လ်ို့ ထိုင်းရောက်မြန်မာအလုပ်သမားအရေးကူညီပေးနေတဲ့
WAG - အလုပ်သမားမဟာမိတ်အဖွဲ့ထံမှ သိရပါတယ်။ ၎င်း မြန်မာအလုပ်သမား ၁၀ဦး ကို ပွဲစား (ကိုအာကာ)ဆိုသူ က ယင်းစက်ရုံ ကို အလုပ်စမတ်(အလုပ်သွင်းပေး)ခဲ့ကာ ၂၀၂၄ ခုနှစ် ဒီဇင်ဘာ၆ ရက် တွင် အလုပ်စ ဆင်းခဲ့တယ်လို့ဆိုပါတယ်။
စက်ရုံ သူဌေး မှအလုပ်စဝင်တဲ့ နေ့မှ လစဉ် လုပ်အားခ ကို ထုတ်ပေး ပေမယ့် ပွဲစား ဖြစ်သူက အလုပ်သမားတွေရဲ့ လစာ ကို ၂၀၂၅ခုနှစ် ဇန်နဝါရီ ၆ရက်မှ ၁၄ရက်အထိ လုပ်အားခ ကို မရှင်းပေးဘူးလို့ အလုပ်သမားတွေ ထံ မှ သိရပါတယ်။
ဒါ့အပြင် စက်ရုံဘက်မှ လည်း အလုပ်သမားတွေ ကို အလုပ်ထုတ်လိုက်တဲ့ အတွက် အလုပ်သမားတွေမှာ စားဝတ်နေရေး အခက်ခဲနဲ့ အလုပ်သစ်ပြောင်းရန် စမတ်ကြေး မရရှိတဲ့ အတွက် အခက်ခဲဒုက္ခ ကြုံတွေ့နေရတယ်လို့ သိရပါတယ်။
အခုလို အခက်ခဲ ဖြစ်ပေါ်နေတဲ့ အတွက် ကူညီဖြေရှင်းပေးဖို့ အလုပ်သမားတွေ က WAG - အလုပ်သမားမဟာမိတ်အဖွဲ့ထံ အကူညီတောင်းခံလာတာကြောင့် ဖေဖေါ်ဝါရီ ၁၄ရက် မှာ နယ်မြေခံရှိ မြို့နယ် ဆဝါဒီကန် ရုံးသို့ အလုပ်သမားများနဲ့ အတူ ရသင့်ရထိုက် တဲ့ နစ်နာကြေးများရရှိရန်အတွက်သွားရောက် အမှုဖွင့်တိုင်ကြားခဲ့တယ်လို့ WAG - အလုပ်သမားမဟာမိတ်အဖွဲ့ထံ မှသိရပါတယ်။
