ပြည်ပကို အရေးကြီး၊အရေး ပေါ်သွားရောက်လိုသူတွေကို ဝန်ဆောင်ခ ၅၄၅,၀၀၀ကျပ် နဲ့ နိုင်ငံကူးလက်မှတ်(ပတ်စပို့)အမြန်ဆောင်ရွက်ပေးမယ်လို့ မြန်မာနိုင်ငံကူးလက်မှတ်ထုတ်ပေးရေးရုံး က အသိပေး ထုတ်ပြန်ပါတယ်။
နိုင်ငံကူးလက်မှတ် အမြန်ရလိုသူတွေအတွက် Online Booking တင်ရာတွင်လည်းကောင်း၊ ရုံးတွင်းဆောင်ရွက်ရာတွင်လည်းကောင်း စောင့်ဆိုင်းဖို့ မလိုဘဲ အမြန်ဝန်ဆောင်မှု (Express Service) နဲ့လျှောက်ထားနိုင်ဖို့စီစဉ်ထားတယ်လို့ သိရပါတယ်။
လျှောက်ထားသူတွေ ဟာ ၅ရက်အတွင်း နိုင်ငံကူးလက်မှတ် စာအုပ် ရမှာ ဖြစ်ကာ အမြန်ဝန်ဆောင်ခ မှာ စာအုပ်ဖိုးအပါအဝင် ၅၄၅၀၀၀ကျပ် ဖြစ်တယ်လို့ အသိပေးထုတ်ပြန်ထားပါတယ်။
ယခု ဝန်ဆောင်မှု ကို ၂၀၂၆ခုနှစ် ဇန်နဝါရီ ၅ရက်မှာ စတင် မှာ ဖြစ်တယ်လို့အသိပေးထားပါတယ်။ နိုင်ငံကူးလက်မှတ် အမြန်လျှောက်ထားရာမှာလည်း အမည်မည်းစာရင်းမှာ ပါဝင်သူတွေ၊ ပြစ်မှုကျူးလွန်ပြီး စစ်ဆေးချက် မပြီးစီးသူ တွေ ၊ပြစ်ဒဏ်ကာလမပြီးမီ လွတ်ငြိမ်းချမ်းသာနဲ့ လွတ်မြောက်လာသူတွေ၊ ပြည်ပထွက်ခွာမှု တားဆီးခံရသူ တွေ ၊လက်ရှိနိုင်ငံ့ဝန်ထမ်း တွေ၊ အစိုးရအဖွဲ့အစည်း တွေ ၊အစိုးရမဟုတ်တဲ့ တခြားအဖွဲ့အစည်း တွေနဲ့ ပုဂ္ဂလိအဖွဲ့အစည်းတွေက ထောက်ခံချက်လိုအပ်သူ တွေ အနေနဲ့ ကတော့ ငွေ မဆုံးရှုံးစေဖို့ အတွက် ရုံးတွေမှာ စုံစမ်းပြီးမှသာ လျှောက်ထားကြ ဖို့ အသိပေးထားပါတယ်။
