ပြည်ပ ကို တရားဝင် သွားရောက် အလုပ်လုပ်တဲ့ အလုပ်သမားတွေရဲ့ ကိုယ်ရေးအချက်အလက် တွေကို ပေးပို့ခြင်း မရှိတဲ့ အေဂျင်စီ တွေ ကိုလုပ်သားစေလွှတ်မှု ဆိုင်းငံ့မယ့်အပြင် ဒဏ်ကြေး ကောက်ခံ မှု ပါ စတင်တော့မယ်လို့ အလုပ်သမားဝန်ကြီးဌာနက ဇူလိုင် ၂၃ရက်က အသိပေးထားပါတယ်။
၂၀၂၃ခုနှစ် ဧပြီ လ အထိ စေလွှတ်ခဲ့တဲ့ အလုပ်သမားတွေရဲ့ ကိုယ်ရေးအချက်အလက် အပြည့်စုံ ကို ၂၀၂၄ခုနှစ် ဇူလိုင် ၂၆ရက်မတိုင်ခင် ပေးပို့ဖို့ အသိပေးထားပါတယ်။
ပေးပို့မှု မရှိတဲ့ အေဂျင်စီ တွေ ကို အလုပ်သမားစေလွှတ်ရေး လုပ်ငန်းစဉ်ကို ဆိုင်းငံ့ ထားပြီး ဒဏ်ကြေး ပါကောက်ခံမယ်လို့ ဆိုပါတယ်။
ပြီးခဲ့တဲ့ ဇူလိုင် ၁၁ရက်က လည်း ပြည်ပရောက်အလုပ်သမားတွေရဲ့ ကိုယ်ရေးအချက်အလက်တွေ ကို ပေးပို့ဖို့ ကျန်ရှိသေးတယ် အေဂျင်စီ၃၈၀ ကျော်ကို ဇူလိုင်၁၅ရက် နောက်ဆုံးထားပေးပို့ဖို့ အလုပ်သမားဝန်ကြီးဌာနက သတိပေးခဲ့ပါတယ်။
လက်ရှိမှာ တော့ အလုပ်သမား တွေရဲ့ ကိုယ်ရေးအချက်အလက် ပေးပို့ဖို့ ကျန်သေးတဲ့ အေဂျင်စီ ၂၀၀ ကျော်ရှိနေပြီး ယခုတခါ အသိပေးချက်မှာတော့ သတ်မှတ်ရက်အတွင်း မပေးပို့ပါက လုပ်သားစေလွှတ်ဆိုင်းငံ့မယ့်အပြင် ဒဏ်ကြေးပါ ပေးဆောင်ရမယ်လို့ သိရပါတယ်။