ထိုင်းအလုပ်သမားဝန်ကြီး ထရီနုချ် သီယန်သွန်းကပြည်ထဲရေးဝန်ကြီးဌာနသည် လက်ရှိတွင် အချို့သောအလုပ်သမားအုပ်စုတွေရဲ့ နိုင်ငံတကာရေးရာအခြေအနေတွေကို ပြန်လည်စီစစ်သုံးသပ်နေပြီး မကြာခင်မှာအဆင်ပြေပြီးစီးသွားပြီး ဘတ်လုပ်ငန်းစဥ်ပြန်စတင်နိုင်ရန်မျှော်လင့်နေကြောင်းဝန်ကြီးကပြောပါတယ်။
အလုပ်သမားဝန်ကြီးက နယ်စပ်မငြိမ်သက်မှုများကြောင့် ထွက်ခွာသွားသော ကမ္ဘောဒီးယားအလုပ်သမားများနေရာတွင် သိရိလက်ာအလုပ်သမားများကိုက်ဆက်လက်ခေါ်ယူသွားမည်ဖြစ်ပြီး အလုပ်သမားမှတ်ပုံတင်ခြင်းကိုလည်းခွင့်ပြုပေးထားကြောင်းဝန်ကြီးကပြောပါတယ်။
ထိုင်းနိုင်ငံအတွင်းရှိပြီး ဗီဇာသက်တမ်းကုန်နေသောအလုပ်သမားများအတွက်လည်း သက်တမ်းတိုးပေးခြင်းလုပ်ငန်းများကိုဆက်လက်ဆောင်ရွက်ပေးနေကြောင်းဝန်ကြီးကပြောပါတယ်။
လူသစ် ပန်းရောင်ကတ်(ဘတ်)ပြုလုပ်ပေးမယ့် အစီစဉ်ကို အောက်တိုဘာ ၁၅ ရက်မှ အောက်တိုဘာ ၂၉ ရက်အထိ အွန်လိုင်းမှ တစ်ဆင့် စာရင်းပေးသွင်းရန် ထိုင်းအစိုးရဘက်မှကြေညာခဲ့ပေမယ့် အောက်တိုဘာ ၁၆ ရက်မှာတော့ ထိလွယ်ခိုက်လွယ်တဲ့နယ်စပ်ပြသာနာကြောင့် ဆိုကာ ယာယီရက်ရွှေ့ဆိုင်းတယ်လို့ ထိုင်းအလုပ်အကိုင်ရှာဖွေရေးဦးစီးဌာန က ထုတ်ပြန်ခဲ့ပါတယ်။
မြန်မာနိုင်ငံနဲ့ ထိုင်းနိုင်ငံတို့ရဲ့ အလုပ်သမားဝန်ကြီးဌာနနှစ်ခု ပူးပေါင်းပြီး CI စာအုပ် ထုတ်ပေးရေး လုပ်ငန်းစဉ်ကိုလည်း ဩဂုတ်လ ၆ရက်မှ နိုဝင်ဘာ၆ ရက်အထိ လုပ်ဆောင်ပေးဖို့ မူလက သတ်မှတ်ထားခဲ့ရာ CI စာအုပ်လဲလှယ်မယ့် မြန်မာအလုပ်သမားတွေ အတွက် အချိန်မလုံလောက်တာကြောင့် ၂၀၂၅ခုနှစ် ဒီဇင်ဘာ ၂၁ ရက်အထိ ရက်ထပ်တိုးပေးတာဖြစ်တယ်လို့ သိရပါတယ်။
