ချွန်ဖွန်-ရနောင်း အဝေးပြေးလမ်းမကြီး ပေါ် မောင်းနှင်လာတဲ့ ခရီးသည်တင်ကားတစ်စီး ပေါ်တွင် နိုင်ငံကူးလက်မှတ်အတု ကိုင်ဆောင်ထားတဲ့ မြန်မာလုပ်သား ၁၃ ဦး ကို ထိုင်းအမြန်လမ်းရဲတပ်ဖွဲ့က ဖမ်းဆီးခဲ့တယ်လို့ ထိုင်းသတင်းဌာနတွေရဲ့ဖေါ်ပြချက်အရသိရပါတယ်။

 

အောက်တိုဘာ၂၁ရက်က ချွန်ဖွန် အမြန်လမ်းမကြီး ရဲတပ်ဖွဲ့ မှတာ၀န်ကျရာ နယ်မြေအတွင်း လှည့်ကင်းဆောင်ရွက်နေစဉ်မင်္သကာစရာ ခရီးသည်တင်ကားကို စစ်ဆေးရာမှာ ကားပေါ်တွင် မြန်မာလုပ်သားအမျိုးသား ၁၀ ဦးနဲ့အမျိုးသမီး ၃ ဦးကိုတွေ့ရှိခဲ့တယ်လို့ ဆိုပါတယ်။

 

၎င်းတို့ကို ပွဲစားက လုပ်ပေးထားတဲ့ တံဆိပ်တုံးအတု၊တံဆိပ်ခေါင်းအတု အသုံးပြုပြီး ဗီဇာတံဆိပ်တုံးအတု အပါ နိုင်ငံကူးလက်မှတ်အတု ၁၃ ခု ကို တွေ့ရှိရတယ်လို့ သတင်းမှာဖေါ်ပြထားပါတယ်။

 

၎င်းတို့ ရဲ့ နိုင်ငံကူးလက်မှတ်တွေထဲမှာ ဓာတ်ပုံ၊ နာမည်နဲ့ ပတ်စ်ပို့နံပါတ်တွေ တည်းဖြတ်ထားတဲ့ အပြင် လူဝင်မှုကြီးကြပ် ရေးစနစ်မှာ ဗီဇာအချက်အလက် လုံးဝမရှိတာကိုပါ တွေ့ရတယ်လို့ ဆိုပါတယ်။

 

ဖမ်းဆီးခံရတဲ့ လုပ်သားတွေရဲ့ ထွက်ဆိုချက်အရ လမ်း တွင် စစ်ဆေးမှုများကို ရှောင် နိုင်ဖို့ အတွက် ပွဲစားဆိုသူကို ပတ်စ်ပို့တစ်အုပ် လျှင် ဘတ် ၁၅,၀၀၀ ပေးခဲ့ရတယ်လို့ သိရပါတယ်။

 

လက်ရှိမှာ အဖမ်းခံရတဲ့ မြန်မာလုပ်သား ၁၃ ဦးနဲ့သက်သေခံ နိုင်ငံကူးလက်မှတ်အတုတွေ ကို အမြန်လမ်းရဲတပ်ဖွဲ့မှ ချွန်ဖွန်မြို့မရဲစခန်းသို့ လွှဲပြောင်း ပို့ဆောင်ပေးခဲ့ပြီး ပြစ်မှုတွေအတွက် အမြင့်ဆုံးပြစ်ဒဏ်ကတော့ ထောင်ဒဏ် ၁၀ နှစ် အထိ ချမှတ်ခံရနိုင်တယ်လို့ သတင်းမှာဖေါ်ပြထားပါတယ်။

Ref-Ch7HD News