ထိုင်း-မြန်မာ နယ်စပ်မှာရှိတဲ့ ဒုက္ခသည်စခန်း ၉ ခုမှ မြန်မာစစ်ရှောင် ၁၂၀၀၀ ကျော် ကို ပထမဆုံး အသုတ်အနေနဲ့ ထိုင်းနိုင်ငံတွင်း အလုပ်လုပ်ခွင့်ပေးမယ်လို့ အလုပ်အကိုင်ဦးစီးဌာနညွှန်ကြားရေးမှူးချုပ် Pichet Thongphan ကပြောပါတယ်။

ထိုင်းနိုင်ငံ တာခ့်၊ မယ်ဟောင်ဆောင်၊ ကန်ချနဘူရီနဲ့ ရတ်ချာဘူရီ ပြည်နယ်တွေမှာရှိတဲ့ ဒုက္ခသည်စခန်းတွေက မြန်မာစစ်ရှောင် ၁၂၀၀၀ ကျော်ကို အောက်တိုဘာလ ၁ ရက်နေ့မှစပြီး ထိုင်းနိုင်ငံတွင်း ရွှေ့ပြောင်းအလုပ်သမားအဖြစ် စတင်လုပ်ကိုင်ခွင့်ပေးပြီး တစ်နှစ်အထိ အလုပ်လုပ်ခွင့်ရမယ်လို့ သိရပါတယ်။

 

အလုပ်အကိုင်ဦးစီးဌာနရဲ့ စစ်တမ်းအရ နယ်စပ်၊ မြန်မာဒုက္ခသည်စခန်းတွေမှာ အသက် ၁၈ နှစ်မှ ၅၉ နှစ်ကြား လုပ်သား ၄၂,၆၀၁ ဦးရှိပြီး ၎င်းတို့ထဲမှ လျှောက်ထားသူ ၁၂,၀၀၀ ဦးဟာ ချက်ချင်းအလုပ်ဆင်းရန် အဆင်သင့်ဖြစ်နေပြီဖြစ်တယ်လို့ သိရပါတယ်။

 

ထိုင်းနိုင်ငံအတွင်း မြန်မာစစ်ရှောင် များ ကိုပထမဆုံး အလုပ်လုပ်ခွင့်ပြုတာ နဲ့ပက်သက်ပြီးထိုင်းနိုင်ငံနဲ့ပြည်ထဲရေးဝန်ကြီးဖြစ်သူ အနုတင်ချာန်ဗီရာက""ဒီလုပ်သားတွေဟာ တရားဝင် လုပ်သားတွေ ဖြစ်တဲ့ အတွက် ကာကွယ်ပေးထားမှာပါ အလုပ်ရှင်တွေ အနေနဲ့ ဥပဒေနဲ့အညီ အပြည့်အ၀ စောင့်ရှောက်ပေးရမှာဖြစ်ပြီး လူမှုဖူလုံရေး ၊သက်မွေးဝမ်းကျောင်းမှုအရည်သွေး၊အာမခံနဲ့ရန်ပုံငွေစတဲ့ အကျိုးခံစားခွင့်ကို အပြည့်အ၀ပေးရမယ်လို့""အလေးထားပြောကြားခဲ့ပါတယ်။

 

ထိုင်း အလုပ်ရှင် ၆၁၅၂ ဦးဟာ လည်း အလုပ်သမားရှာဖွေနေပြီး အလုပ်ရှင် ၁၂၀၀ က အလုပ်သမားဌာနသို့ အကြောင်းကြားထားကြောင်း နဲ့ ထိုင်းရှိ ဆောက်လုပ်ရေးနှင့် လျှပ်စစ်ပစ္စည်း ထုတ်လုပ်ရေးဆိုင်ရာ လုပ်ငန်းခွင့်များတွင် အလုပ်သမားများ လိုအပ်ချက်မြင့်မားနေတယ်လို့သိရပါတယ်။

 

လုပ်သားတွေအနေနဲ့ ထိုင်းနိုင်ငံသားများသာ လုပ်ကိုင်နိုင်မယ့် အလုပ်အမျိုးအစား ၂၇ မျိုးကလွဲပြီး ကျန်လုပ်ငန်းတွေမှာ လုပ်ကိုင်နိုင်ပြီး အဓိက စည်းကမ်းချက်တွေကတော့ လုပ်သားတွေဟာ မှတ်ပုံတင်ထားတဲ့နေရပ်လိပ်စာ ရှိရမှာ ဖြစ်ပြီး

သတ်မှတ်ထားတဲ့ အတိုင်းတာဝန်ရှိသူတွေက်ု အစီရင်ခံရမှာဖြစ်ကြောင်း သိရပါတယ်။

 

Ref- The Reporter ,Nation Online