ထိုင်းနိုင်ငံ ပါကျင်ဘူရီခရိုင် ရှိ စက်ရုံ တစ်ခု တွင် ဓါတုသိုလှောင်ကန် ပေါက်ကွဲမှုကြောင့် ဓါတုပေါင်းအိုး အတွင်း ပြုတ်ကျသေဆုံးခဲ့တဲ့ မြန်မာလုပ်သားနှစ်ဦး အတွက် နစ်နာကြေး ဘတ်၂သန်းကျော်ရရှိခဲ့တယ်လို့ ၎င်းအမှုကိစ္စ ကို ကူညီပေးနေတဲ့ ထိုင်းရောက်မြန်မာလုပ်သားကူညီစောင့်ရှောက်ရေးကော်မတီ 𝐌.𝐇.𝐀.𝐂 မဟာမိတ်အဖွဲ့ ထံ က သိရပါတယ်။
၂၀၂၄ခုနှစ် အောက်တိုဘာလ ၂၆ရက် မှာ MOUစနစ်နဲ့ အလုပ်လာရောက် လုပ်ကိုင်နေတဲ့ ကိုမင်းအောင်အသက် ၄၁နှစ်နဲ့ ကိုသက်ဝေ အသက်၃၆နှစ်တို့ဟာ အလုပ်ချိန် အတွင်း ဓါတုအိုးပေါက်ကွဲ ပြီး ပေါင်းအိုးအတွင်း ပြုတ်ကျ သေဆုံးခဲ့တယ်လို့ သိရပါတယ်။
ဆုံးပါးသွားသူတို့အတွက် စက်ရုံဘက်မှ သဂြိုလ်ပေးခြင်းနှင့် သဂြိုလ်စရိတ်များကို ထုတ်ပေးခဲ့ပေမယ့် သဂြိုလ်စရိတ် နှစ်ဦးပေါင်း ၁ သိန်းတို့အား စက်ရုံနှင့်အလုပ်ရုံကြားတွင် ကြန့်ကြာနေတဲ့ အတွက် သဂြိုလ်စရိတ်နှင့် နစ်နာထားမှုများ ကို ကျန်ရစ်သူမိသားစုအတွက် ရရှိရန် အေအေစီရဲမင်းဦးဆောင်တဲ့ 𝐌.𝐇.𝐀.𝐂(မဟာမိတ်အဖွဲ့)ထံ အကူအညီတောင်းခံတာကြောင့် ကျန်ရစ်သူမိသားစုကို ရုံးတွင် ၃ လကျော်ကြာ ခေါ်ယူစောင့်ရှောက်ကာ ဆက်လက် ကူညီပေးခဲ့တယ်လို့သိရပါတယ်။
၎င်းတို့အတွက် နစ်နာကြေး နှစ်ဦးစာ ဘတ် ၄သိန်း၂ထောင်အား၂၀၂၅ ခုနှစ် သြဂုတ်လ ၁ရက်နေ့တွင် နစ်နာသူမိသားစုမှ နယ်မြေခံရဲစခန်းရှိတာဝန်ရှိသူများရှေ့တွင် ကျန်ရစ်သူမိသားစုဝင်များရဲ့ သဘောဆန္ဒအတိုင်း လက်ခံခဲ့ပြီး ကျန်ရှိနေတဲ့ သဂြိုလ်စရိတ် ဘတ်ငွေ ၁သိန်းနှင့် ပကန်ဆန်ခွန်မှ ကျန်ရစ်သူ မိဘနှင့်သားသမီးအတွက် ၁၀ နှစ်စာ ဘတ်ငွေ ၁ သန်း ၅သောင်း နှစ်ဦးပေါင်းစာ ၂ သန်း ၂ သိန်း ၃ သောင်းအား ရရှိအောင် ကူညီဆောင်ရွက်ပေးခဲ့တယ်လို့ 𝐌.𝐇.𝐀.𝐂 မဟာမိတ်အဖွဲ့ မှအသိပေး ထုတ်ပြန်ထားပါတယ်။
