နိုဝင်ဘာ ၁၄ ဒီကနေ့ နေ့လည်ပိုင်းမှာ မြန်မာအလုပ်သမား ၃ ဦး ဟာ စက်ရုံတွင်းကဓါတု စွန့်ပစ်ကန်ကြီးကို ဆင်းပြီး သန့်ရှင်းရေးလုပ်ဆောင်နေစဉ် ဓါတုအဆိပ်ငွေ့ကို ရှုရှိုက် မိသလိုဖြစ် ပြီး ကန်ထဲသို့ ပြုတ်ကျသွားခဲ့တယ်လို့ သိရပါတယ်။

 

၎င်းကန်ထဲ တွင် ဟိုက်ဒရိုဂျင်ဆာလ်ဖိုက်လို့ခေါ်တဲ့ အလွန်အန္တရာယ်ရှိတဲ့ ဓာတ်ငွေ့တွေ ရှိနေတာဖြစ်တာကြောင့် မြန်မာလုပ်သား၃ဦးဟာ အဆိပ်သင့်ခဲ့တာလို့ဆိုပါတယ်။

 

၎င်းဖြစ်စဉ် ဖြစ်ပွားပြီး ချက်ချင်းဆိုသလို ကုမ္ပဏီဝန်ထမ်းတွေ၊ တာဝန်ရှိသူတွေအပြင် မီးသတ်နဲ့ ကယ်ဆယ်ရေးအဖွဲ့တွေ ပူးပေါင်းပြီး အရေးပေါ် ကယ်ဆယ်ရေးတွေ လုပ်ဆောင်ခဲ့ကြရတယ်လို့ သိရပါတယ်။

 

ဓါတုကန်ထဲမှ မြန်မာလုပ်သားတွေကို အပေါ်သို့ ကြိုးဖြင့် ဆွဲတင်ခဲ့ရာ အသက် ၂၂ နှစ်အရွယ်ရှိ မြန်မာအလုပ်သမားတစ်ဦး ကို အရင်ဆုံး ကယ်ဆယ်နိုင်ခဲ့ပြီး ဆေးရုံကို ပို့ဆောင်ပေးခဲ့နိုင်ပေမယ့် ကျန်နေတဲ့ အသက် ၂၄ နှစ်နဲ့ အသက် ၂၅ နှစ်အရွယ်ရှိ မြန်မာအလုပ်သမားနှစ်ဦးကိုလည်း ဆက်လက် ကယ်ထုတ်နိုင်ခဲ့ရာ ၎င်းတို့နှစ်ဦးစလုံးဟာ ကယ်ဆယ်မှု အပြီးတွင် သေဆုံးနေခဲ့ပြီ ဖြစ်တယ်လို့ သတင်းမှာဖေါ်ပြထားပါတယ်။

 

လက်ရှိတွင် သက်ဆိုင်ရာမှုခင်းဆရာဝန်တွေနဲ့ ရဲတပ်ဖွဲ့ဝင်တွေက မှုခင်းဆိုင်ရာ စစ်ဆေးမှုတွေ ပြုလုပ်နေကျပြီး အလုပ်သမားရေးရာဌာနနဲ့ စက်မှုလက်မှု လုပ်ငန်းဌာနတို့က အခုလိုဖြစ်စဉ်မျိုး ထပ်မဖြစ်စေရန် ကြိုတင်ကာကွယ်ဘေးကင်းရေး အစီအမံ ချမှတ် ဆောင်ရွက်နေတယ်လို့ သတင်းမှာဖေါ်ပြထားပါတယ်။

 

Ref-Khaosod Thai