NEWS

ဒူဘိုင်းကို အလုပ်သွားရောက်လုပ်ကိုင်တဲ့မြန်မာလုပ်သားရာနဲ့ချီဒုက္ခရောက်နေတယ်လို့ဆို

CoverLogo
5.1K Views

ယူအေအီးနိုင်ငံ ဒူဘိုင်းတွင် သွားရောက်လုပ်ကိုင်နေကြတဲ့ မြန်မာနိုင်ငံသား ရာချီဟာ ဒုက္ခရောက်နေကြတယ်လို့ သိရပါတယ်။ ယူအေအီးနိုင်ငံ ဒူဘိုင်းတွင် လာရောက်လိုက်ကိုင်နေကြတဲ့ အိမ်အကူများ၊ သူနာပြုနဲ့ လာရောက်သော်လည်း အိမ်အကူလုပ်ကိုင်ရသူများ၊ စက်ရုံအလုပ်ရုံတွင် အလုပ်ရမယ့်ဆိုကာ အေဂျင်စီတွေရဲ့  အလိမ်ခံရနေသူတွေ စုစုပေါင်းခန့်မှန်း ၃၀၀ ကျော်ဟာ ဒုက္ခရောက်နေကြတယ်လို့ ကူညီဆောင်ရွက်ပေးနေသူတွေက ဆိုပါတယ်။

စာရင်းတိတိကျကျ မပြောနိုင်သော်လည်း ထို ၃၀၀ ထက် လွန်စွာများပြားတဲ့ ပမာဏနဲ့ ဒုက္ခရောက်နေတာဖြစ်ကြောင့် ဒူဘိုင်းတွင် ဒုက္ခရောက်နေသူများနဲ့ ကူညီပေးနေသူတွေက ပြောပါတယ်။

“သူငယ်ချင်းတွေက မလာနဲ့ ဒီမှာက ဒုက္ခပေါင်းများစွာနဲ့ ကြုံနေရတာ၊ အိမ်ရှင်တွေနဲ့ အဆင်မပြေဘူး။ အဲလိုပြောတဲ့ကြားထဲက ညီမက ရောက်အောင်လာခဲ့တာ။ လူငယ် သဘောသဘာဝလား မသိဘူး။ ရုန်းထွက်ချင် တာပေါ့။ သိရက်နဲ့လာခဲ့တာ။ ဒူဘိုင်းရောက်ရင် ကိုယ်ဖြစ်ကိုယ်ခံပဲ။ သူတို့ကို ပိုက်ဆံပေးထားပေးမယ့် သူတို့က ဆုတောင်းပေးမယ်ပဲ ပြောတယ်။ အေဂျင့်က ကိုယ်ဘက်မှာ မရှိဘူး။ အေဂျင့်နဲ့ မလာစေချင်ဘူး” လို့ အသက် ၂၄နှစ်အရွယ် အိမ်အကူအမျိုးသမီးက ပြောပါတယ်။

ဒူဘိုင်းတွင် အိမ်ကူလုပ်ကိုင်နေသူတွေဟာ အိမ်ရှင်ရဲ့ ရိုက်နှက်မှုတွေ ခံရပြီး အိမ်ရှင်က သဘောမကျပါက စွန့်ပစ်ခံရပါတယ်။ တချို့ အိမ်အကူတွေဟာ အဆင်မပြေတဲ့အတွက် ထွက်ပြေးမှုတွေ ဖြစ်နေကြတယ်လို ကူညီပေးနေသူတွေက ပြောပါတယ်။

အေဂျင်စီတွေက ဒူဘိုင်းတွင် ချက်ချင်းအလုပ်ရနိုင်ကြောင်း၊ အင်္ဂလိပ်စကား တတ်စရာ မလိုကြောင်း၊ အလုပ်တွေ ပေါများကြောင်း စသဖြင့် အလုပ်သမားတွေကို ခေါ်လျှက် ဝန်ဆောင်မှု ပေးနေသော်လည်း ဒူဘိုင်း ရောက်ပါက အေဂျင့်တွေက တာဝန်မခံ၍ မြန်မာအလုပ်သမားများ ဒုက္ခရောက်နေကြောင်း သိရပါတယ်။

အေဂျင်စီနဲ့ လာရောက်သူတွေဟာ ဒူဘိုင်းရောက်ပါက ပတ်စပို့တွေ အသိမ်းခံထားရပြီး စာချုပ် ၂ နှစ် ချုပ်ဆိုရကြောင်း၊ စာချုပ်စည်းကမ်း ချိုးဖောက်ပါက သိန်း ၅၀ လျော်ရကြောင်း သိရပါတယ်။

ဒူဘိုင်းကို အေဂျင်စီနဲ့ သွားရောက်ပါက စုစုပေါင်း ၃၈ သိန်းမှ ၄၅ သိန်းအထိ ကုန်ကျပါတယ်။ မိမိဘာသာ အလည်ဗီဇာနဲ့ လာရောက်ပါက သိန်း ၂၀ ကျော်သာ ကုန်ကျပါတယ်။

၂၀၂၁ ဖော်ဖော်ဝါရီလ စစ်တပ်က အာဏာသိမ်းမှုပြီးနောက် ဒူဘိုင်းတွင် လာရောက်လုပ်ကိုင်သူတွေ ယခင်ထက် ပိုမိုများပြားလာပြီး လက်ရှိတွင် ဒူဘိုင်း၌ မြန်မာနိုင်ငံသား ၂သိန်းခန့် ရှိနိုင်တယ်လို့ ခန့်မှန်းကြပါတယ်။


Related posts

Cover
Joy Time Garment စက်ရုံလုပ်သားများ တောင်းဆိုမှု ပြေလည်မှုရ
Jun 06, 2025
Cover
J&F Myanmar LNY Caps စက်ရုံ အချိန်ပို တစ်လ နာရီ ၉၀ ကျော် လုပ်ခိုင်း
Jun 06, 2025
Cover
မြန်မာကို ILO အရေးယူမှု ဘာတွေဆက်ဖြစ်မလဲ။
Jun 06, 2025
Cover
မြန်မာနိုင်ငံကို ILO အရေးယူ
Jun 05, 2025
Cover
Myanmar Postarion စက်ရုံ နှင့် အလုပ်သမားများ သဘောတူညီမှုရရှိ
Jun 05, 2025
Cover
Myanmar Postarion စက်ရုံလုပ်သားများ လုပ်ခလစာတိုးမြှင့်ရေး တတိယမြောက်နေ့တောင်းဆို”
Jun 05, 2025
Cover
SPRING RIVER KNITTING (MYANMAR) အထည်ချုပ် အလုပ်သမားခေါင်းဆောင်များအား ဖမ်းခိုင်းမည်ဟု ခြိမ်းခြောက်
Jun 05, 2025
Cover
အောစူပါနှင့် အလုပ်သမားများကြား ဆုကြေး အဆ ၃၀ ကွာ ၊ စူပါနှင့် သုံးဆ ကွာ (ဘာကြောင့် ဆုကြေးတွေ အဆ ကွာရသလဲ)
Jun 05, 2025