ထိုင်း-မြန်မာ နယ်စပ် ကနေ နယ်စပ်ဖြတ်ကျော် လာတဲ့ မြန်မာအလုပ်သမား ၄၀ ခန့် ကို အောက်တိုဘာ ၁၅ ရက် ဒီနေ့မနက် ပိုင်းမှာ ဖမ်းဆီးခဲ့တယ်လို့ထိုင်းအာဏာပိုင်တွေရဲ့ သတင်းထုတ်ပြန်ချက်အရသိရပါတယ်။
တာ့ခ်ခရိုင်၊ ဖိုးဖမြို့နယ်အတွင်း ဝါလေကျေးရွာအနီး မောင်းနှင်လာတဲ့ ပစ်ကပ်ကားကို ထိုင်းအာဏာပိုင်တွေက စစ်ဆေးရာမှ အထောက်ထား မရှိတဲ့ မြန်မာအလုပ်သမား ၂၃ဦးနဲ့ ပွဲစား (၃) ဦးကို တွေ့ရှိခဲ့တယ်လို့ ဆိုပါတယ်။
၎င်းတို့ဟာ ထိုင်းနိုင်ငံအတွင်း အလုပ်လုပ်ကိုင်ဖို့ ရည်ရွယ်ချက်နဲ့ ကရင်ပြည်နယ်၊ မြဝတီမှ သောင်ရင်းမြစ်ကို ဖြတ်ကူး ပြီး ဝင်ရောက်လာတယ်လို့ သိရပါတယ်။
ထပ်မံပြီး မနက်ပိုင်းမှာဘဲ ရနောင်းခရိုင် ကရဘူရီမြို့ ကျောပေါရော် ကျေးရွာအနီး မှာ နယ်စပ်ဖြတ်ကျော်လာတဲ့ မြန်မာအလုပ်သမား ၁၄ ဦး ကို နယ်မြေခံ အာဏာပိုင်တွေက ဖမ်းဆီးခဲ့တယ်လို့ သိရပါတယ်။
၎င်းတို့ဟာလည်း ကော့သောင်းကတစ်ဆင့် ရနောင်း သို့ နယ်စပ်ဖြတ်ကျော်လာကာ ထိုင်းနိုင်ငံအတွင်း အလုပ်လုပ်ကိုင်ဖို့ လာခဲ့တာ ဖြစ်တယ်လို့ သိရပါတယ်။
ဖမ်းဆီးခံရသူတွေကို သက်ဆိုင်ရာ နယ်မြေရဲစခန်းတွေ ကို ပို့ဆောင်ပြီး ဥပဒေအရ အရေးယူဆောင်ရွက်ပြီးပါက နေရပ်ကို ပြန်ပို့မယ်လို့ သိရပါတယ်။
လက်ရှိ ကာလ တွင် ထိုင်းနိုင်ငံ အတွင်း တရားမဝင် ဝင်ရောက်လာတဲ့ နိုင်ငံခြားသား လုပ်သားတွေကို ခေတ်မှီနည်းပညာတွေနဲ့စောင့်ကြည့် ဖမ်းဆီးနေသလို နယ်စပ်မြို့တွေမှာလဲ စစ်ဆေးမှုတွေ ပိုမိုတင်းကြပ်တာကြောင့် နယ်စပ်ဖြတ်ကျော်ဝင်ရောက်ဝင်ရောက်လာတဲ့ မြန်မာလုပ်သားတွေ နေ့စဉ် နီးပါး အဖမ်းခံနေရကြောင်း သိရပါတယ်။
