ထိုင်းအစိုးရအလုပ်သမားဝန်ကြီး မစ္စစ် ထရီနွတ်ချ် ထီယန်ထောင်းက ထိုင်းနိုင်ငံတွင် နေထိုင်ပြီး အလုပ်လုပ်ကိုင်နေသော နိုင်ငံခြားသားများအပေါ် အလုပ်လုပ်ခွင့်ပါမစ် စစ်ဆေးမှုကို တင်းကျပ်စွာ ပြဋ္ဌာန်းရန် အလုပ်အကိုင်ဌာနနှင့် နိုင်ငံတစ်ဝှမ်းရှိ ၎င်းနှင့် ဆက်စပ်အေဂျင်စီများအား ညွှန်ကြားထားကြောင်း အလုပ်သမားဝန်ကြီးဌာနရဲ့ထုတ်ပြန်ချက်အရသိရပါတယ်။

 

ဝန်ကြီးက နိုင်ငံဖြတ်ကျော် ရာဇဝတ်ဂိုဏ်းအချို့သည် လက်ရှိတွင် အထူးသဖြင့် အဓိကစီးပွားရေးဇုန်များနှင့် နယ်စပ်ပြည်နယ်များတွင် ထိုင်းနိုင်ငံကို မျက်နှာစာအဖြစ် အသုံးပြုနေကြောင်းပြောကြားခဲ့ပါတယ်။

 

အဆိုပါကဲ့သို့ ရာဇဝတ်ဂိုဏ်းများရဲ့​ဆောက်ရွက်ချက်များကြောင့် အလုပ်သမားဌာနများအနေဖြင့် နိုင်ငံခြားသားအလုပ်သမားများရဲ့စာရွက်စာတမ်းများနှင့်အထောက်အထားများကို အတင်းကျပ်ဆုံးစစ်ဆေးရန် လုံခြုံရေးအေဂျင်စီများနှင့် လူဝင်မှုကြီးကြပ်ရေးဗျူရိုတို့နှင့် ပူးပေါင်းဆောင်ရွက်ရန် အမိန့်ပေးခဲ့ခြင်းဖြစ်ပါတယ်။

 

ထိုင်းနိုင်ငံကို နိုင်ငံခြားလိမ်လည်သူများအတွက် အခြေစိုက်စခန်းဖြစ်လာခွင့်ပေးမည်မဟုတ်ဘဲ အလုပ်လုပ်ခွင့်ပါမစ်များကို ရာဇဝတ်မှုများအတွက် ကိရိယာတစ်ခုအဖြစ် အသုံးပြုနေသော နိုင်ငံခြားသားများနှင့် အွန်လိုင်းလိမ်လည်မှုများတွင်ပါဝင်ပတ်သက်နေသူများကို အလုပ်လုပ်ခွင့်ပါမစ်များကို ရုပ်သိမ်းပြီး ခြွင်းချက်မရှိဘဲ တရားစွဲဆိုရန် အာဏာပိုင်များထံ လွှဲပြောင်းပေးမည်ဖြစ်ကြောင်းဝန်ကြီးကပြောပါတယ်။