ထိုင်းနိုင်ငံ အယုဒ္ဓယမြို့တွင်နေထိုင်ကာ ထိုင်းလူဝင်မှုကြီးကြပ်ရေး ဆိုင်ရာတံဆိပ်ခေါင်းအတုများပြုလုပ်ရောင်းချနေသော အသက်၄၂နှစ်အရွယ် မြန်မာပွဲစားတစ်ဦးကိုအောက်တိုဘာ၂၀ရက်တွင်ဖမ်းဆီရမိခဲ့ကြောင်း ထိုင်းသတင်းများ၏ဖော်ပြချက်အရသိရပါတယ်။
ဖမ်းဆီးခံရသော အသက်၄၂နှစ်အရွယ် ကိုမြင့်(အမည်လွှဲ)သည်ကွန်ပျူတာပရိုဂရမ်များကိုအသုံးပြုကာ မြန်မာနိုင်ငံသားပတ်စ်ပို့များအတွက်လည်း တစ်အုပ်လျှင်ဘတ်ငွေ ၁၂၀၀၀နှုန်းဖြင့်စာအုပ်ပေါင်းတစ်ရာကျော်ပြုလုပ်ပေးခဲ့ကြောင်းကိုလည်း အယုဒ္ဓယလူဝင်မှုကြီးကြပ်ရေးရဲတပ်ဖွဲ့ရုံးမှသိရပါတယ်။
အယုဒ္ဓယခရိုင်၊ ဘန်ပအင်မြို့နယ် ၊ဘန်ဆင်ထီဝါရပ်ကွက်တွင်ရှိသော အဆိုပါပွဲစား၏ကိုယ်ပိုင်ရုံးခန်းကို အယုဒ္ဓယလူဝင်မှုကြီးကြပ်ရေးရဲတပ်ဖွဲ့မှဝင်ရောက်ရှာဖွေရာ အလုပ်သမားများ ခရီးသွားလာရေးနှင့် အလုပ်လျှောက်ထားရာတွင်လိုအပ်သော စာရွက်စာတမ်းအတု၂၆စုံကိုစစ်ဆေးတွေ့ရှိခဲ့ကြောင်းသိရပါတယ်။
မြန်မာပွဲ ကိုမြင့်(အမည်လွှဲ)ကို ထိုင်းအစိုးရစာရွက်စာတမ်းများအတုပြုလုပ်မှု၊လူဝင်မှုကြီးကြပ်ရေး တံဆိပ်တုံးအတု ပြုလုပ် အသုံးပြုခြင်းတို့အတွက် ဥပဒေအရတရားစွဲဆိုအရေးယူသွားမည်ဖြစ်ကြောင်းသိရပါတယ်။
