ထိုင်းနိုင်ငံရောက် မြန်မာလုပ်သားတွေ အတွက် ထုတ်ပေးထားတဲ့ မည်သူမည်ဝါဖြစ်ကြောင်းသက်သေခံလက်မှတ်(Certificate of Identitt CI) သက်တမ်းတိုးစခန်းများကို ယခုလ အတွင်း ဖွင့်လှစ် ဆောင်ရွက် ပေးမယ်လို့ မြန်မာအလုပ်သမားသံအရာရှိရုံးက ထုတ်ပြန်ကြေညာပါတယ်။
CI စာအုပ် သက်တမ်းတိုး လုပ်ငန်းစဉ် များ ကို ဇွန်လ အတွင်း ဆောင်ရွက်ပေးသွားမှာ ဖြစ်ကာ အသေးစိတ် လုပ်ငန်းစဉ် တွေ ကို ထပ်မံသတင်းဖော်ပြပေးမယ်လို့ မြန်မာအလုပ်သမားသံအရာရှိရုံးက မေလ ၃၀ ရက် က ထုတ်ပြန်ကြေညာထားပါတယ်။
ယခု ဖွင့်လှစ်မယ့် စခန်းတွေဟာ CI စာအုပ် သက်တမ်းတိုး လုပ်ငန်းစဉ် အတွက် သာ ဖြစ်ပြီး CI စာအုပ်အသစ် ပြုလုပ်မယ့်သူတွေ အတွက် သတင်းထုတ်ပြန်မှု မရှိသေးပါဘူး။
ထိုင်းနိုင်ငံ အတွင်း အလုပ်လုပ်ခွင့် လက်မှတ် ပန်းရောင်ဘတ် ပြုလုပ်ထားတဲ့ မြန်မာလုပ်သားတွေ အနေနဲ့အခြေခံ အလုပ်သမားဗီဇာ ကို နိုင်ငံကူးလက်မှတ် (ပတ်စပို့စ်)မှာထည့်သွင်းရပြီး နိုင်ငံကူးလက်မှတ် မရှိတဲ့ မြန်မာလုပ်သားတွေ မှာ CI စာအုပ်လျှောက်ထားပြီး CI စာအုပ် အတွင်း ဗီဇာထည့်သွင်းနိုင်ပါတယ်။
CI စာအုပ်ကို သက်ဆိုင်ရာက စခန်းများ ဖွင့်လှစ် ပြုလုပ်ပေး ချိန် ပြုလုပ်ရပြီး စာအုပ် သက်တမ်း၄နှစ် ရရှိကာ အလုပ်လုပ်ခွင့် ဗီဇာ သက်တမ်းတိုးချိန်မှာ CI စာအုပ်သက်တမ်းအနည်းဆုံး ၆လ ရှိရမှာ ဖြစ်တယ်လို့ သိရပါတယ်။
လက်ရှိ CI စာအုပ် လုပ်ထားပြီး သက်တမ်းကုန်နေသူတွေ အတွက် သက်တမ်းတိုးလုပ်ဆောင်ပေးဖို့ မြန်မာသံရုံး ဘက်က စီစဉ်နေတာဖြစ်ပါတယ်။
CI စာအုပ် အသစ် ထုတ်ပေးရေးစခန်း တွေ ကို တော့ ပြီးခဲ့တဲ့ နှစ် ဖေဖေါ်ဝါရီလ ကစတင်ဖွင့်လှစ် ကာ ဇူလိုင် လအထိ ဆောင်ရွက်ပေးခဲ့ ပြီး လက်ရှိအချိန်ထိ ပြန်လည်ဖွင့်လှစ်ပေးခြင်းမရှိသေးပါဘူး။
